प्रचण्डद्धारा असन्तुष्टलाई फकाउदै, अहिले टिकट नपाउनेहरुलाई अवसरै अवसर प्रदान गरिने

५ कात्तिक, काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्डले बागी उम्मेदवार लाई फकाउदै सत्तारुढ गठबन्धनले बहुमत ल्याएमा अहिले टिकट नपाएका नेताहरुले अवसरै अवसर पाउने बताएका छन् ।

विराटनगरमा आयोजित सत्तारुढ गठबन्धनको कार्यक्रममा उनले आफूहरुले जितेर बहुमतको सरकार बनेमा अहिले अवसर नपाएका , टिकट नपाएकाहरुलाई राजनीतिक नियुक्ति, संवैधानिक आयोगमा नियुक्ति र राजदूत नियुक्तिमा अवसर दिने बताउदै गठबन्धनका उम्मेदवारलाई जिताउन आग्रह गरे ।

टिकट वितरण भनेको जस्तो नभएको कारण चुम्चिएका बागी उठेकालाई उनले गठबन्धनले बहुमतको सरकार निर्माण गरेमा अवशरै अवशर दिने भन्दै गठबन्धनका उम्मेदवारलाई जिताउन आग्रह गरे । विभिन्न आयोगमा नियुक्ति, राजदुत लगायतका पदका नेता तथा अन्यालाई व्यवस्थापन गरिने उनको भनाई थियो । चुनावमा असन्तुष्टि भएका हरु पनि खुसी पार्ने आफनो दायित्व भएको बताए ।

त्यसकारण अवसरै अवसर प्राप्त गर्ने, अहिले भाँचिएका अलिअलि थिचिएका, अलि अलि अध्यारो अनुहार भएका साथीहरु पनि सरकार बनेपछि नियुक्ति पाइसकेपछि उज्याला हुन्छन्’ प्रचण्डले भने ।