‘नो नट अगेन’ बन्देजविरुद्धको रिटमा अल्पकालीन अन्तरिम आदेश जारी

२० कात्तिक, काठमाडौं । सामाजिक सञ्जालको ’नो नट अगेन’ लगायतलाई बन्देज लगाउने निर्वाचन आयोगको निर्णय खारेजीका लागि अन्तरिम आदेशको माग गर्दै अधिवक्ता अनिल आचार्यले दायर गरेको रिटमा सर्वोच्च अदालतले आयोगको नाममा अल्पकालीन आदेश जारी दिएको छ ।

आइतबार न्यायाधीश हरिप्रसाद फुयाँलको एकल इजलासमा दुवै पक्षका वकिलहरुले बहस सकेपछि उक्त आदेश दिएको हो । ’नो नट अगेन’को फेसबुक पेज र ग्रुप बन्द गर्ने निर्णय कार्यान्वयन नगर्न आयोगको नाममा आदेश जारी भएको हो । बन्देज लगाउनुका कारण पेश गर्न पनि आदेश दिएको छ ।

रिटमा अन्तरिमम आदेश जारी हुनु पर्ने या नपर्नेबारे छलफलका लागि आयोगलाई सर्वोच्च बोलाएको छ । आचार्यले रिट यही कात्तिक १४ गते दायर गरेका थिए ।