चर्चाको शिखरमा डा. शेखर
यज्ञप्रसाद भट्टराई
मंसिर १, २०७९ बिहिबार १७:५९:४७
मुलुक संघीय तथा प्रदेश निर्वाचनको अन्तिम अन्तिम चरणमा आई पुगेको छ । निर्वाचनमा होमिएका दलहरु, स्वतन्त्र उम्मेदवारहरु आफ्नो चुनावी प्रचारप्रसारमा ब्यस्त देखिन्छन् । किसानलाई धान थन्याउने चटारो भन्दा दुई गुणा बढी धपेडी छ अहिले उम्मेदवारहरुलाई । कसैलाई जनता कसरी ढाँटेर आफु फेरी माथि उक्लने भन्ने चिन्ता छ भने कतिलाई दलहरुको बिरोध गरेकै भरमा भोट बटुल्ने दाउ लगाई रहेका देखिन्छन् । जुवामा च्याँखे थाप्नेहरुको जमात पनि निर्वाचनमा प्रशस्तै देखिने गरी मतसंख्याको आधारमा दलका नेताहरुसँग बार्गेनिङ्गमा समय खर्चिरहेका पनि देखिन्छन् । निहित स्वार्थका लागि दल पविर्तन गर्नेहरुको लागी पनि अहिले भदौ महिना भएको छ । समग्रमा यसले देशमा स्थापित भएको ब्यवस्थाको स्दुढिकरणमै अगाडि बढेको छ होला भनेर लख काट्न सकिन्छ ।
बिगतमा भएका निर्वाचनहरुमा दलीय अभ्यासको चर्चा सहितको गठबन्धनको निर्वाचनको अभ्यास पनि अहिले मुलुकले गरिरहेको छ । विश्व रावनीतिलाई उदाहरुण दिएर गरिएको गठबन्धनको यो अभ्यासले देशमा स्थिर सरकार र दिगो बिकास ल्याओस भन्ने नै आम नेपाली नागरिकहरुको चाहना रहेको देखिन्छ । एकल दललाई लिएको बहुमत समेत टिकाउन नसक्ने अवस्थाका नेपालका राजनैतिक दलहरुले गठबन्धनलाई कसरी निश्चित समयसिमासम्म जोगाएर लैजालान ? त्यो भने अहिल्यै अनुमानका आधारमा मकै ज्यातिषि बन्न अप्ठ्यारो अवस्था छ ।
अहिले दलका नेता तथा कार्यकर्ताहरु देशैभरी पुगेको अवस्था छ । ठाउठाउमा आमसभा र कोणसभाहरुले देश गुञयमान भएको छ । दलका रंगिचंगी झण्डा र ब्यानरहरुले देश चिटिक्क सिंगारिएकी बेहलुली झै देखिएको छ । अभाव र समस्या सबै एकैसाथ दूर भए झै गरेर अहिले के मजदुर, के किसान, के कर्मचारी, के ब्यापारी, के उद्योगपति, के अशक्त सबै निर्वाचनको प्रचार प्रसारमा दौडिएका देखिन्छन् । मुलुकले परिवर्तनको सपना बोकेको छ । जनताले उज्वल भबिष्यको आशा सजाएका छन् । देशभित्र रहेका शिक्षित बेरोजगारहरुको अवस्था कहालिलाग्दो छ तर नेताहरु बिना ढ्यौवा विदेशके सयर को नारा लगाई रहेका देखिन्छन् ।
देशमा राजनीतिक परिवर्तन पछिका उपलब्धिहरुको समिक्षा गर्ने छुट्टै संयन्त्र बनाउनु पर्ने अवस्था छ । बर्तमानका राजनीतिक नेतृत्व प्रति नेपाली जनताको भरोषा न्युन हुदै जान थालेको छ । मजबुरीका नाम महात्मा गान्धी भन्ने पुरानो उखान जहिले पनि उत्तिकै चर्चामा रहने गरेको छ । नागरिकहरुले देशलाई दिगो बिकास र समुन्नत बनाउन किन दलका नेताहरु चाहदैनन् ? भन्ने प्रश्न गर्ने प्रशस्तै ठाउँहरु देखिईसकेका छन् । तर पनि जनताहरु यिनैका पछिपछि लागिरहेका छन् किनकी नागरिकहरु हजारौं आफन्त र नातागोताको बलिदानीबाट प्राप्त राजनैतिक ब्यवस्थाबाटै मुलुकको परिवर्तन हुन सक्छ कि भन्ने सपना देखिरहेका छन् ।
जनताको घाउमा मल्हम लगाउन सक्ने नेतृत्वका अभावमा हामीले दशकौ खर्चिसकेका छौ । जतिजति जनतामा निरासा बढदै जान्छ त्यतित्यति बिद्रोहको ज्वारभाटा उठने क्रम बढदै जान्छ । जनताको निराशामा विश्वासको भरोषा ल्याउन सक्ने नेतृत्व नै अहिलेको टटकारो आवश्यकता हो । यसका लगि हामीले नै राम्रोलाई छान्ने र नराम्रोलाई फाल्ने असरका रुपमा निर्वाचनलाई लिन सक्नु पर्छ । निर्वाचनका बेला मिठा गफ र मिठो मसिनो खानामा अल्मलिने भन्दा अब यो देशलाई कस्ले नेतृत्व गर्यो भने हामी र हाम्रा सन्ततीको भविष्य उज्यालो हुन्छ ? भन्ने तर्फ सोच्न जरुरी छ । बिगतमा हामीले जसलाई यो देश बनाउने जिम्मा दिएर पठाएका थियौ उनिहरुले यो देश र जनताका लागि बिगत ५ बर्षमा के के गरे ? बिदेशीका सामु कति कसरी लम्पसार परे ? भन्ने कुराको सुक्ष्म अध्ययन नगरी यसपटक किमार्थ पनि मतदान गर्नु हुँदैन ।
जिल्ला जिल्लामा उम्मेद्धवारहरु मत मागेर हिडिरहेका छन् । क्षेत्र क्षेत्रमा कार्यकर्ताहरु ज्यान फालेर खटिईरहेका छन् । पूर्ब मेचीदेखि पश्चिम महाकालीसम्म अहिले चुनावी प्रचार प्रसारमा नेता तथा कार्यकर्ताहरु र स्वतन्त्र उम्मेद्धवारहरु सकृयताका साथ लागि परेका छन् । तर पनि अहिले झापाको क्षेत्र नं. ५, मोरङ्गको क्षेत्र नं. ६ र डडेल्धुराको राजनीति चर्चाको शिखरमा छ । झापा ५ मा नेकपा एमालेका अध्यक्ष तथा पूर्व प्रधानमन्त्री केपी ओलीको उम्मेद्धवारी रहेको छ भने डडेल्धुरामा कांग्रेस सभापति तथा प्रधानमन्त्री शेरबहादुर देउवा चुनावी प्रतिस्पर्धामा छन् । तर दुबै नेताहरु प्रति नेपाली जनताको आकर्षण घटदो क्रममा रहेको देखिन्छ । दुबै नेताहरुका बिरुद्धमा शक्तिशाली युवा उम्मेद्धवारहरु स्वतन्त्र उम्मेद्धवारका रुपमा खडा भएका छन् जसको चर्चा पनि उत्तिकै रहेको देखिन्छ ।
तर मोरङ्ग क्षेत्र नं. ६ मा उम्मेद्धवार रहेका डा. शेखर कोईरालाको पक्षमा भने अहिले अत्यन्तै धेरै जनलहर रहेको देखिन्छ । स्वतन्त्र रुपमा उठेका उम्मेद्धवारहरु तथा राजनैतिक दलहरुबाट उम्मेद्धवारी दिएका नेताहरुले एक पछि अर्को उम्मेद्धवारी फिर्ता लिदैं डा. शेखर कोईरालाका पक्षमा समर्थन गर्न थाले पछि उनको बिजयको चर्चा हुन थालेको देखिन्छ ।
अत्यन्तै शरल, सहयोगी, सहनशील र जनताका विश्वासपात्रका रुपमा चिनिएका डा. शेखरलाई बिगतमा मतदान नगरेका हजारौं मतदाताहरु समेत डा. शेखरलाई गत निर्वाचनमा मत नहालेकोमा आफुहरुलाई अत्यन्तै धेरै ग्लानी भएको बताईरहेका देखिन्छन् । मोरङ्ग ६ का मतदाताहरुको एउटै भनाई रहेको छ कि यसपटक डा. शेखर कोईरालालाई जसरी पनि हामी बिजयी बनाएर राजधानी पठाउने छौं ।
मुलुकको नेतृत्व जिम्मा लगाउने सोचका साथ मोरङ्गबासीहरु डा. शेखरलाई जिताउन लागि परेको स्थानीयहरुको भनाई रहेको छ । यसले पनि दुबै पूर्व प्रधानमन्त्री भन्दा बढी चर्चा अहिले डा. शेखर कोईरालाको देखिएको छ । भोलीदेखि मौन समय शुरु हुने र आगामी मंसिर ४ गते हुने संघीय निर्वाचनमा डा. शेखरको जितसँगै मुलुक राजनीतिक र आर्थिक बिकासको बाटोमा एकैसाथ हिडने र छोटो समयमा जनताले महशुस गर्ने परिवर्तनको खाका तैयार भैसकेको अवस्थामा अब यताउता केहि नहेरी डा. शेखर कोईरालालाई अत्यधिक मतका साथ बिजयी बनाउन हामी तमाम देशबासीहरुको तर्फबाट मोरङ्ग क्षेत्र नं. ६ का आम मतदाताहरुमा हार्दिक अनुरोध समेत गर्दछौं ।
यज्ञप्रसाद भट्टराई
यज्ञप्रसाद भट्टराई पूर्वको झापामा रहेर राजनीतिक, सामाजिक अभियानमा क्रियाशील छन् । सहकारी आन्दोलनमा समेत सरिक रहेका भट्टराईले पछिल्लो समय नेपालबहस डटकममा आबद्ध रहेर लेखन तथा पत्रकारिता गरिरहेका छन् ।
लेखकबाट थपआखिर कहाँबाट भयो ब्रह्माण्डको उत्पत्ति ? जहाँ केही पनि छैन, त्यहीँ सबथोक छ
बैशाख ३१, २०८१ सोमबार
गठबन्धनका नेताहरु सरकार जागोउन जे पनि गर्न तयार हुने, जनता रोइरहने ?
बैशाख २९, २०८१ शनिबार
प्रचण्डको यूटर्नले जोगिएको रवि लामिछानेको पद
बैशाख २७, २०८१ बिहिबार
यस वर्ष पनि एनएमबी बैंकका शेयरधनीको हात खाली, वितरण योग्य मुनाफा ऋणात्मक
नेपालबहस संवाददाता
बैशाख ३०, २०८१ आइतबार
बजेट बनाउन अर्थमन्त्रीको टीम भन्दा गिरोह सक्रिय, करका दरमा खेल्ने प्रयास
नेपालबहस संवाददाता
बैशाख २९, २०८१ शनिबार
उडिरहेको विमानमा एयर होस्टेसलाई यात्रुले दुर्व्यवहार गरेपछि...
नेपालबहस संवाददाता
बैशाख ३०, २०८१ आइतबार
उदघाटन गरेको ९ दिन नपुग्दै हावाले भत्कायो इलाका प्रहरी कार्यालय जयनगरको पर्खाल
बैशाख ३१, २०८१ सोमबार
उपप्रधान एवं स्वास्थ्यमन्त्री उपेन्द्र यादवले दिए राजीनामा
बैशाख ३१, २०८१ सोमबार
बारामा चोरी सिकारी समूह सक्रिय, वन कार्यालय छेउमै हरिणको सिकार
बैशाख ३१, २०८१ सोमबार
नेपाली कांग्रेसका नेता तथा पूर्वसांसद खगेन्द्रराज रेग्मीको निधन
जेठ १, २०८१ मंगलबार
नेदरल्याण्ड्सको टी-२० विश्वकप खेल्ने टिमको घोषणा
जेठ १, २०८१ मंगलबार
बिहारका पूर्व उपमुख्यमन्त्री सुशील मोदीको निधन
जेठ १, २०८१ मंगलबार
कैलालीमा एम्बुलेन्स दुर्घटना हुँदा युवतीको निधन
जेठ १, २०८१ मंगलबार
आज राष्ट्रपतिलाई रोक्ने कि नरोक्न भन्नेबारे कांग्रेसमा छलफल सुरु
जेठ १, २०८१ मंगलबार
झापामा सम्बन्धविच्छेदका मुद्दा बढे
जेठ १, २०८१ मंगलबार