विराटनगरमा बमजस्तो देखिने शंकास्पद वस्तु फेला

३ मंसिर, विराटनगर । निर्वाचनको अघिल्लो दिन विराटनगरमा बमजस्तो देखिने शंकास्पद वस्तु फेला भेटिएको छ । आज शनिबार विराटनगर महानगरपालिका-३ पुष्प मार्गमा बमजस्तो देखिने शंकास्पद वस्तु फेला परेको हो । सडकको छेउमा बिहान साढे ६ बजे शंकास्पद वस्तु देखेपछि स्थानीयले प्रहरीलाई खबर गरेका थिए ।

प्रहरीका अनुसार रातो झोलाभित्र बट्टा राखेर बाहिरदेखि प्लाष्टिकले बेर्दै बट्टाबाट तार बाहिर निकालेर सडकको छेउमा छाडिएको अवस्थामा शंकास्पद बस्तु फेला परेको हो ।

अहिले शंकास्पद वस्तु भेटिएको स्थान वरपर सर्वसाधारण तथा सवारीसाधनको आवतजावतमा रोक लगाइएको छ भने उक्त वस्तु डिस्पोजका लागि नेपाली सेनालाई बोलाइएको र सेनाको टोली उक्त स्थानतर्फ जान लागेको प्रहरीले जनाएको छ ।