स्याङ्जा २ मा कांग्रेसका धनराज गुरुङ मतान्तर बढाउँदै, १३०० मतले अगाडि

१५ मंसिर, स्याङ्जा । स्याङ्जा क्षेत्र नं. २ मा सत्ता गठबन्धनकाे साझा उम्मेदवार नेपाली कांग्रेसका उपसभापति धनराज गुरुङले अग्रता बढाउँदै लगेका छन् ।

बिहीबार दिउँसाे पछिल्लाे मतगणनाअनुसार गुरुङले ६ हजार ६५ मत पाएका छन् भने नेकपा (एमाले)की उम्मेदवार पदमा अर्यालले ४ हजार ७६५ मत पाएकी छन् । गुरुङ र अर्यालबीचको मतान्तर १ हजार ३०० छ । राष्ट्रिय स्वतन्त्र पार्टी (रास्वपा)का टिकराज गुरुङले १ हजार ५७५ मत पाएका छन् ।

एमालेले धाँधली भएको भन्दै पुन मतदान माग गरेपछि यहाँ १२ दिन मतगणना रोकिएको थियो । निर्वाचन आयोगले पुन: मतदान नगर्ने निर्णय गरेपछि बुधबार रातिदेखि मात्र मतगणना सुचारू भएको हो ।