बाराको सशस्त्रमा सुमेको आंतक, आउट जाँदा कोशेली अनिवार्य
नेपालबहस संवाददाता
मंसिर २३, २०७९ शुक्रबार १८:१०:३९
२३ मंसिर, कलैया । सशस्त्र प्रहरी बल १२ नम्बर गण बारामा केहीदिन पहिले सिपाही घनश्याम चौधरीले आत्महत्याको प्रयास गरे । उनले चक्कु प्रहार गरि आफैलाई घाइते बनाएपछि उनलाई तत्काल उपचार गर्न लगियो । अहिले उनको अवस्था सामान्य छ ।
त्यसैगरी केहीदिन अघि मात्र गणेश घर्ती मगरको व्यारेकबाट दश हजार रूपैयाँ चोरी भयो । चोरीको कुनै खोजबिन भएन । बरू उल्टो अन्य सिपाहीहरूबाट रकम उठाउन थालिएको छ । यो समाचार तयार पार्दा समेत चार हजार जम्मा भएको छ र उक्त रकम सुवेदार मेजर सई ईश्वर भट्टराईसँग रहेको छ ।
सशस्त्र प्रहरीको गणभित्रको यो घटनाले गणमा धेरै मनोमानी, अनुशासनहिनता र चरम लापरवाही छ भन्ने कुराको पुष्टि हुन्छ । आत्महत्याको प्रयास गरेका सिपाही घनश्याम चौधरीले बिदा नपाएको कारण उक्त कार्य गरेको खुलासा भएको छ । सुवेदार मेजर ईश्वर भट्टराईसँग बारम्बार बिदा मागेका चौधरीले बिदा नपाएपछि आत्महत्याको प्रयास गरेको सार्वजनिक भएपछि गणभित्र हुने अत्याचारको उजागर भएको हो ।
बिदा छोड्दा होस् या आउट छोड्दा होस् पहिले रक्सी ख्वाउनुपर्ने त्यसपछि मात्रै बिदा वा आउट पाउने र गएपछि सुवेदार मेजरलाई कोशेलीपात अनिवार्य रूपमा ल्याउनुपर्ने अघोषित नियम नै सशस्त्र १२ नम्बर गणमा छ । त्यस्तो चाकडी नगर्नेको बिदाको कुरा सुमे भन्दा माथि रिपोर्टिङ नै नहुने गरेको गणका धेरै जुनियर अफिसरसम्मकाहरू बताउँछन् । बारा घर हुने हुन् वा कोठा लिएर भाडामा परिवारसँग बसेका हुन, उनीहरूसमेत आफ्नो डियुटी सकेपछि पनि जान पाउँदैनन । जानका लागि मदिरा सेवन गराउनुपर्ने हुन्छ ।
त्यतिमात्र होइन गणबाट मातहतका बीओपी र बेशहरूमा खटाउँदा पनि सुवेदार मेजरको सेवा नगरी नहुने बाध्यता रहेको गणका सिपाही हवल्दारहरूको गुनासो रहेको छ । यी सबै कुराको जानकारी गणपतिसम्म मात्रै होइन डीएसपीहरू कहाँ समेत पुगेको हुँदैन । गणभित्रको यो अन्याय अत्याचारको बिषयमा जानकारी लिन खोज्दा गणपति एसपी राजेन्द्र थापा बिदामा रहेको र निमित्त प्रमुख अमर खत्री रहेको जानकारी दिइयो ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपमधेस प्रदेशका चार जिल्लाको सीमानाका तीन दिन बन्द रहने
जेठ ४, २०८१ शुक्रबार
मिथिलामा धुमधामका साथ जानकी नवमी मनाइँदै
जेठ ४, २०८१ शुक्रबार
जग्गा विवादको क्रममा कोदालोले प्रहार गर्दा एक जनाको मृत्यु
जेठ ३, २०८१ बिहिबार
अवनतिको बाटो फेर्न लागेको राजनीति र सुरक्षा चासो
सुबोधकुमार अधिकारी
जेठ ४, २०८१ शुक्रबार
विद्यार्थी मृत फेला परेपछि आक्रोशित भिडद्वारा स्कुलमा आगलागी
नेपालबहस संवाददाता
जेठ ४, २०८१ शुक्रबार
डीआईजी बढुवाको छलाङले प्रहरीमा चरम नैराश्यता, विवादको घेरामा लामिछाने
जेठ ५, २०८१ शनिबार
ताइवानको संसदमा सांसदहरुबीच हानाहान !
जेठ ५, २०८१ शनिबार
संसदीय छानबिन समितिको टीओआर बनाउन कानून मन्त्रीको संयोजकत्वमा कार्यदल गठन
जेठ ५, २०८१ शनिबार
प्रिमियर लिगका अन्तिम खेल आज, उपाधिको दौडमा म्यानचेस्टर सिटी र आर्सनल
जेठ ६, २०८१ आइतबार
अफगानिस्तान बाढीमा परि ५० जनाको मृत्यु, दुई हजारभन्दा बढी घर ध्वस्त
जेठ ६, २०८१ आइतबार
सुनको मुल्य अहिलेसम्मकै उच्च, तोलामा १ लाख ४० हजारमा कारोबार
जेठ ६, २०८१ आइतबार
फिल्म ‘दान्भी’को पहिलो गीत ‘मायामा पूजा र कुन्साङको रोमान्स
जेठ ६, २०८१ आइतबार