मोबाईल बैकिङ एप सांग्रिला स्मार्ट अपग्रेड, सबै माध्यमबाट सहजै प्रयोग गर्न सकिने

४ पुष, काठमाडौं । सांग्रिला विकास बैंकले हालै आफ्नो मोबाईल बैकिङ एप सांग्रिला स्मार्टलाई अपग्रेड गरेको छ । नयाँ एप्लिकेसन नेपालको अग्रणी फिनटेक कम्पनी एफवान सफ्ट इन्टरनेसनल निर्माण गरेको बताएको छ ।

जुन बैंक एक्स्पी आर्किटेक्चरमा आधारित रहेको समेत बताएको छ । सांग्रिला स्मार्ट डिजिटल बैंकिङका लागि ओम्नि च्यानल दृष्टिकोणमा आधारित रहेको भन्दै कम्पनीले यसले ग्राहकलाई उनीहरुको मोबाइल र वेब उपकरणबाट सहजै एप्लिकेसन प्रयोग गर्न प्रमाण र पास वर्ड प्रयोग गर्न अनुमति दिने भएको छ ।

नयाँ एप्लिकेसनमा बिल भुक्तानी, चेक बुक अनुरोध, सेल्फ पासवर्डरपिन रिसेट, माध्यमहरुको अन्तर सञ्चालन जस्ता सुविधा रहेको बताइएको छ । एप्लिकेसनको अपग्रेडबारे सांग्रिला बैंकका प्रमुख अपरेटिङ अफिसर अपूर्वप्रसाद जोशीले बैंकले डिजिटल बैंकलाई सधै प्रबर्द्धन गर्दै आएको बताए ।

यो नेपाल राष्ट्र बैंकबाट अनुमति प्राप्त ‘ख’ वर्गको बैंकका रुपमा सञ्चालनमा छ । यो बैंक विकास बैंकहरूमा अग्रणी स्थानमा रहँदै आएको छ । सांग्रिला स्मार्ट प्ले स्टोर र एप स्टोरबाट सहजै डाउनलोड गर्न सकिन्छ ।