सीमामा तस्करी नियन्त्रणको उपाय खोज्दै, सशस्त्रका चार डीआईजी हल्चोकमा

२० पुष, काठमाडौं । सशस्त्र प्रहरीका चार डीआईजीलाई मूख्यालय बोलाएर सीमा क्षेत्रमा तस्करी कारण खोजिएको छ । नेपाल–भारत सीमा क्षेत्रमा तस्करी बढेको गुनासो बढेपछि सशस्त्र प्रहरीका आइजीपी राजु अर्यालले सीमा क्षेत्रको प्रदेश कमाण्ड गर्ने चार डीआईजीलाई काठमाडौ बोलाएर त्यसको कारण खोजिएको हो ।

प्रहरी महानीरिक्षक अर्यालले सीमा क्षेत्रका व्यापारी र सर्वसाधारणले व्यापक गुनासो गरेको र गृहको रिपोर्टमा पनि तस्करी बढेको भन्ने उल्लेख भएपछि अर्यालले उनीहरुलाई बोलाएर कारण खोजेका हुन् ।

सशस्त्र प्रहरी महानिरीक्षक अर्यालले चारवटा प्रदेशका सशस्त्र प्रहरी प्रमुखसमेत रहेका बाहिनीपतिहरुलाई मूख्यालयमा बोलाएर तस्करी नियन्त्रण नभए कडा कारवाही गर्ने चेतावनी दिएका छन् ।

सशस्त्र मूख्यालयमा प्रदेश १ का डीआईजी कमल गिरी, मधेश प्रदेशका प्रमुख गणेश ठाडा मगर, लुम्बिनी प्रदेश प्रमुख विदुर खड्का र सुदुरपश्चिम प्रदेशका निमित्त प्रमुख एसएसपी विश्वकुमार भट्टराईलाई बोलाइएको स्रोतले जनायो ।