होटल सञ्चालन गरेर मनग्य आम्दानी
नेपालबहस संवाददाता
माघ १७, २०७९ मंगलबार २२:१६:१७
१७ माघ, बनेपा । होटल सञ्चालन गरेर नमुनफेदीका वुद्धबहादुर लोप्चन ‘सुमन’ले मनग्य आम्दानी गर्दै आएका छन । काभ्रेपलाञ्चोकको बेथानचोक गाउँपालिका–१ च्याम्राङबँेशीका सुमनले ललितपुर जिल्लाको महाङ्काल गाउँपालिका–५ चन्दनपुरको सिमाना नमुनफेदीमा खाना र खाजा होटल चलाएर आम्दानी गर्दै आएका छन ।
सो ठाउँमा कच्ची मोटरबाटो खोलेपछि लामो दूरीका यात्रुको आराम गर्ने र खाना खाने केन्द्रको रुपमा नमुनफेदी बनेपछि विगत पाँच वर्षदेखि उनले सो व्यवसाय सञ्चालन गर्दै आएका हुन । व्यवसायबाट अहिले मासिक एकदेखि डेढलाखसम्मको आम्दानी भइरहेको उनले बताए ।
परिवार बाहेक उनले थप एक स्थानीयलाई रोजगारी दिएका छन। होटलमा काम गर्दै आएका दीपक हुँमागार्इंले होटल सञ्चालन भएर राम्रो चल्न थालेपछि आफूले काम गर्दै आएको बताए ।
दैनिक सय बढी ग्राहक आउने गरेका बताउने उनले सिजनमा दुई सय भन्दा बढी हुने बताउछन । बनेपाबाट ठूलादुर्लुङ तालढुङ्गा जाने यात्रुबस र त्यस आसपासमा चल्ने दैनिक चार वटा यात्रुबाहक बस त्यस क्षेत्रमा चल्ने भएको कारण टाढाका यात्रा गर्नेहरु त्यही क्षेत्रमा खाना र खाजा खाने गर्छन् ।
पाँच वर्ष मलेसिया बसेर फर्किएका हुँमागाईंले गाउँमा नै फर्केपछि दुई वर्षदेखि काम गर्न थालेको बताए । “नजिकै भएकोले घरको काम भ्याएर यहाँ काम गर्छु”, उनले भने, “घर आँगनमा नै काम गर्न पाएर मासिक चालीस हजार कमाउन पाउँदा खुसी छु ।” मोटरबाटो चलेपछि रोजगारीको लागि बनेपा र काठमाडाैं धाउनुपर्ने बाध्यता हटेर गाउँमा नै रोजगारी सिर्जना भएको उनको भनाइ छ ।
नियमित रुपमा यातायातका साधन सञ्चालन भएपछि बस्तीसमेत विस्तार हुन थालेको स्थानीय बासिन्दा बताउँछन् । पछिल्लो समयमा हिउँदमा सो ठाउँ भएर तालढुङ्गा, हेटौँडा, मकवानपुरको राईगाउँ, फापरबारी, ललितपुरको गिम्दी, काठमाडौं लगायतका ठाउँबाट यहाँका खोलामा पौडी खेल्ने तथा माछा मार्न विभिन्न ठाउँबाट मानिस यहाँ आउने गर्छन् ।
“दिनभर माछा मार्ने, पौडी खेल्ने गरी आफैले ओढ्ने ओछ्याउने ल्याएर यहाँ आउनेको भीड नै हुन्छ”, होटल सञ्चालक लोप्चनले भने,“यस ठाउँमा कच्ची नै भए पनि मोटरबाटो सञ्चालनमा आएपछि होटल व्यवसाय राम्रो चलेको छ ।” सो ठाउँमा खाना र बास बस्नको समेत व्यवस्था रहेकाले टाढाबाट दुर्लुङ खोलामा रमाइलो गर्न आउनेको लर्को लाग्ने गरेको उनले बताए । सो ठाउँमा मोटरबाटो जोडिदिएपछि सबै ठाउँको केन्द्र पर्ने भएकाले आफूले होटल व्यवसाय सुरु गरेको उनले बताए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपपृथ्वी राजमार्गका होटल व्यवसायीलाई ‘पर्यटकमैत्री सेवा’सम्बन्धी तालिम
बैशाख ३०, २०८१ आइतबार
उत्कृष्ट पर्यटकीय गन्तव्य रारामा रिसोर्ट बन्ने भएपछि कर्णालीको पर्यटनमा विकासको अपेक्षा
बैशाख २९, २०८१ शनिबार
भारतीय मूलका विनोद चौधरीका कर्तुत खोजिँदै, कसरी छिरे नेपाल ?
नेपालबहस संवाददाता
जेठ ११, २०८१ शुक्रबार
के तपाईको हातमा पैसा जोगिदैन ? यी तरिकाहरु अपनाउनुस् !
नेपालबहस संवाददाता
जेठ १२, २०८१ शनिबार
भारतीय कारखानामा विस्फोट : मृत्यु हुनेको संख्या ११ पुग्यो
नेपालबहस संवाददाता
जेठ ११, २०८१ शुक्रबार
फेरिए नारायणी अस्पतालको मेसु, डा.एनामुलले पाए जिम्मेवारी
आबिद हुसेन
जेठ १३, २०८१ आइतबार
फेरिए नारायणी अस्पतालको मेसु, डा.एनामुलले पाए जिम्मेवारी
जेठ १३, २०८१ आइतबार
तपाईको आजको राशीफल कस्तो छ ?
जेठ १३, २०८१ आइतबार
अस्पतालमा आगलागी हुँदा सात नवजात शिशुको मृत्यु
जेठ १३, २०८१ आइतबार
सुक्खा पहिरोले आरुघाट–लार्के सडक अवरुद्ध
जेठ १३, २०८१ आइतबार
अत्यधिक गर्मी बढेपछि तीन दिन विद्यालय बन्द
जेठ १३, २०८१ आइतबार
निजामतीमा महिलाको प्रतिनिधित्व १३ दशमलव ६ प्रतिशत
जेठ १३, २०८१ आइतबार
स्वास्थ्य मन्त्रालयको बेरुजु ३ अर्ब
जेठ १३, २०८१ आइतबार
पत्नी बलात्कार मुद्दामा निलम्बित न्यायाधीश गिरी दोषी ठहर
जेठ १३, २०८१ आइतबार
ब्रोडब्यान्ड इन्टरनेट सेवाको पहुँच सबै स्थानीय तहको केन्द्रसम्म
जेठ १३, २०८१ आइतबार