लाइन लागेर भारतीय सेनाका पूर्व प्रमुखहरु नेपाल आउदै
नेपालबहस संवाददाता
माघ २४, २०७९ मंगलबार १८:२२:७
२४ माघ, काठमाडौं । नेपाली सेनाले आफ्नो स्थापना दिवस मनाउनका लागि भारतीय स्थल सेनाका प्रमुख मनोज पाण्डेसहित भारतीय सेनाका पूर्व प्रमुखहरुलाई पनि नेपाल भ्रमणको निम्तो दिएको छ ।
उनीहरु नेपाली सेनाको विशेष निमन्त्रणामा स्थल सेनाध्यक्ष पाण्डेसहित फागुन पहिलो साता नेपाल आउने नेपाली सेनाले जानकारी दिएको छ । नेपाली सेनाले भारतीय सेनाका पूर्व प्रमुखलाई पनि आफ्नो २६० औं स्थापना दिवसको अवसरमा निमन्त्रणा गरेको र सो निमन्त्रणमा भारतीय स्थल सेनाका ११ जना पूर्व प्रमुखलाई पनि बोलाइएको नेपाली सेनाका प्रवक्ता सहायकरथी कृष्ण भण्डारीले जानकारी दिए ।
पूर्वप्रमुखहरु विश्वनाथ शर्मा, शंकर रोय चौधरी, वेदप्रकाश मल्लिक, सुन्दराराजन पद्मनभन, निर्मलचन्दर बिज, जोगिन्द्र जसवन्त सिंह, दीपक कपुर, विजयकुमार सिंह, विक्रम सिंह, दलवीर सिंह र मनोज मुकुन्द नरवानेलाई सेनाले निमन्त्रणा गरेकाे हो । उनीहरु फागुन ५ गते आउने र ८ गते फर्किने छन् ।
नेपाली सेनाले १० वर्षपछि विशेष कार्यक्रमकाबीच आफ्नो स्थापना दिवस मनाउन लागेको हो । यसअघि २५० औं स्थापना दिवश पनि विशेष कार्यक्रमकाबीच मनाएको थियो । भारतीय स्थल सेनाका प्रमुख मनोज पाण्डे गत भदौ १९ गते ५ दिने नेपाल भ्रमणमा आएका थिए । नेपाली सेनाका ५ वटा कम्पनी स्थापना भएको २६० वर्ष पूरा भएको छ । १८१९ मा पृथ्वीनारायण शाहले ५ वटा कम्पनी स्थापना गरेका थिए ।
श्रीनाथ, कालीबक्स, सबुज, गोरख र बर्दबाणी नामका कम्पनी पहिलो पटक स्थापना भएका थिए । पछि यीमध्ये केहीको नाम परिवर्तन भएको छ। गोरख नामका अरु गणहरू स्थापना भएपछि यसलाई पुरानो गोरख भन्न थालिएको छ । बर्दवाणी कम्पनी पनि जंगबहादुरको पालामा बर्दबहादुर कम्पनीमा परिवर्तन भयो । नेपाल चीन युद्धमा बहादुरी देखाएको भन्दै यो कम्पनीलाई बर्दवाणीबाट बर्दबहादुरमा परिणत गरिएको थियो । यही अवसरको सदुपयोग गर्दै नेपाली सेनाले छिमेकी मुलुकका भारतका सेनाध्यक्षहरुलाई बोलाएर स्थापान दिवस मनाउन लागेको हो ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसंसदीय इतिहासमा कलंकित दिन, २०८१ साल जेठ ७ गते
जेठ ७, २०८१ सोमबार
डीआईजी बढुवाको छलाङले प्रहरीमा चरम नैराश्यता, विवादको घेरामा लामिछाने
जेठ ५, २०८१ शनिबार
संसदीय इतिहासमा कलंकित दिन, २०८१ साल जेठ ७ गते
जेठ ७, २०८१ सोमबार
तपाईको आजको राशीफल कस्तो छ ?
जेठ ७, २०८१ सोमबार
देउवा–रवी गोप्य भेटघाटः टिओआर खुकुलो बनाउने प्रस्तावप्रति ठाडै अस्वीकार
जेठ ७, २०८१ सोमबार
पशुपतिनाथको भेटी चोर्ने आठ जना पक्राउ
जेठ ७, २०८१ सोमबार
१० महिनामा दश हजार पर्यटक रारा पुगे
जेठ ७, २०८१ सोमबार
मौद्रिक नीति परिवर्तनमा कर्णालीको भूमिका महत्वपूर्ण : गभर्नर अधिकारी
जेठ ७, २०८१ सोमबार
१ सय सात किलो गाँजासहित कार चालक पक्राउ
जेठ ७, २०८१ सोमबार
धनगढीमा संघीय हिन्दू गणतन्त्रबारे छलफल
जेठ ७, २०८१ सोमबार