सशस्त्रको डीआईजी बढुवा सिफारिसमा माओवादीको छायाँ, श्रेष्ठ र गजुरेलका मान्छेलाई पहिलो र दोश्रो वरियता
नेपालबहस संवाददाता
माघ २७, २०७९ शुक्रबार १७:०:१९
२७ माघ, काठमाडौं । सशस्त्र प्रहरीका चार एसएसपीलाई डीआईजीमा बढुवा सिफारिस गर्दा खुमलटार हावी भएको छ । प्रधानमन्त्री पुष्पकमल दाहाल सचिवालयमा रहेका व्यक्तिहरुको दवावमा सशस्त्रको बढुवा सिफारिस भएको स्रोतको दावी छ । बुधबार साँझ गृह मन्त्रालयले निकालेको बढुवा सिफारिस सूचीमा नेकपा माओवादी नेताहरुसँग निकट रहेका एसएसपीहरुलाई पहिलो र दोस्रो नम्बरमा ल्याइएको छ ।
कार्यक्षमतामा अब्बल रहेका र कार्यसम्पादन मुल्यांकनमा सबैभन्दा बढी नम्बर भएपनि एसएसपी दीपेन्द्र शाहलाई दुई नम्बरबाट तेस्रो नम्बरमा धकेलिदिएका छन् भने तेस्रो नम्बरमा रहेका सुरेशकुमार श्रेष्ठलाई पहिलो र पाँचौ नम्बरमा रहेका अञ्जनीकुमार पोखरेललाई दोस्रो नम्बरमा ल्याइएको छ । श्रेष्ठलाई पहिलो नम्बरमा ल्याउनका लागि उपप्रधानमन्त्री तथा भौतिक योजनामन्त्री नारायणकाजी श्रेष्ठ आफै लागेको स्रोतको दावी छ । त्यसैगरी पोखरेलका लागि प्रधानमन्त्रीका प्रमुख सल्लाहकार हरिबोल गजुरेल लागेका थिए । श्रेष्ठ र गजुरेलले बोकेका दुई एसएसपीहरु पनि अब्बल नै रहेको भएपनि वरियता नै मिच्नुपर्ने अवस्था भने नभएको सशस्त्र मूख्यालय स्रोतले जनाएको छ ।
उनीहरु दुवैभन्दा शाह नै कार्यक्षमतामा अब्बल रहेपनि उपप्रधानमन्त्री श्रेष्ठ र प्रधानमन्त्रीका प्रमुख सल्लाहकार गजुरेलको जोडबलमा श्रेष्ठ र पोखरेललाई अघि ल्याउदा शाह तेस्रो नम्बरमा धकेलिएका छन् । ‘श्रेष्ठ र पोखरेल बढुवा हुनुपर्ने एसएसपीहरु हुन तर शाहभन्दा अघिल्लो नम्बरमा आउनुपर्ने वा सशस्त्रमा वरियता मिचिनुपर्ने कारण र क्षमताचाहि होइन’,सशस्त्र प्रहरी मूख्यालयले भन्यो । तर उपप्रधानमन्त्री र प्रधानमन्त्रीकै मूख्य सल्लाहकारले दबाब दिए, आईजीपी राजु अर्याल र बढुवा समितिमा रहेका कर्मचारीले पनि उनीहरुको विपक्षमा निर्णय गर्न नसकेको स्रोतको दावी छ ।
सशस्त्र प्रहरी नियमावली २०७२ को नियम ३९ को उपनियम १ को ख बमोजिम बढुवा समितिको बुधबारको निर्णयअनुसार सशस्त्र प्रहरी वरिष्ठ उपरीक्षकहरुलाई सशस्त्र प्रहरी नायव महानिरीक्षकमा बढुवा सिफारिस गरेको गृह मन्त्रालय बढुवा समितिको सचिवालयले जनाएको छ । यसैगरी हाल प्रवक्ता समेत रहेका पुरुषोत्तम थापा चौथो नम्बरमा थिए ।
उनी त्यही नम्बरमा बल्लतल्ल बढुवा भएका छन । उनी कार्यक्षमतामा निकै कमजोर प्रहरी अधिकृत हुन । विगतमा नेतृत्वको वरिपरी घुमेर बढुवा लिने गरेका थापाले यसपटक आईजीपी अर्यालको सचिवालयमा बसेर बढुवा लिन सफल भएका छन् । बढुवा सिफारिस उपर चित्त नबुझ्ने सशस्त्र प्रहरी वरिष्ठ उपरीक्षकहरुलाई नियमावलीको नियम ५५ मा व्यवस्था भए बमोजिम ७ दिनभित्र बढुवा उपरको उजुरी सुन्ने समिति समय उजुरी दिनसमेत आग्रह गरेको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसशस्त्र प्रहरी बलका १६ डीआईजी र १८ एसएसपीको सरुवा, मधेश प्रदेशमा धौबजी र कोशीमा सुवेदी
बैशाख १९, २०८१ बुधबार
फेवातालमा सशस्त्रकाे विपद् उद्धारसम्बन्धी कृतिम घटना अभ्यास
बैशाख १८, २०८१ मंगलबार
सीमा क्षेत्रमा सशस्त्रको पैदल गस्ती सुरु
बैशाख ९, २०८१ आइतबार
यस वर्ष पनि एनएमबी बैंकका शेयरधनीको हात खाली, वितरण योग्य मुनाफा ऋणात्मक
नेपालबहस संवाददाता
बैशाख ३०, २०८१ आइतबार
बजेट बनाउन अर्थमन्त्रीको टीम भन्दा गिरोह सक्रिय, करका दरमा खेल्ने प्रयास
नेपालबहस संवाददाता
बैशाख २९, २०८१ शनिबार
उडिरहेको विमानमा एयर होस्टेसलाई यात्रुले दुर्व्यवहार गरेपछि...
नेपालबहस संवाददाता
बैशाख ३०, २०८१ आइतबार
उदघाटन गरेको ९ दिन नपुग्दै हावाले भत्कायो इलाका प्रहरी कार्यालय जयनगरको पर्खाल
बैशाख ३१, २०८१ सोमबार
मधेशमा नयाँ सरकार गठनका लागि आज ४ दलले एमालेको नेतृत्वमा दाबी पेश गर्दै
बैशाख ३१, २०८१ सोमबार
सुँगुरको मिर्गौला प्रत्यारोपण गरिएका रिचर्डको निधन
बैशाख ३१, २०८१ सोमबार
राजनीति देश र जनताका लागि हुनुपर्छ : उपसभापति गुरुङ
बैशाख ३१, २०८१ सोमबार
ठूला सरकारी अस्पतालमा जनशक्ति थप्ने नवनियुक्त स्वास्थ्यमन्त्री यादवको निर्णय
बैशाख ३१, २०८१ सोमबार
नेपालको वित्तीय सङ्घीयता कार्यान्वयनमा मध्यम प्रगति, प्रदेश र स्थानीय तह घाटामा
बैशाख ३१, २०८१ सोमबार
धनगढी र दार्चुलामा करेन्ट लागेर दुई जना घाइते
बैशाख ३१, २०८१ सोमबार
पोखराबाट खैरो हिरोइनसहित दुई जना पक्राउ
बैशाख ३१, २०८१ सोमबार
कर्णालीमा जबरजस्ती करणीका मुद्दा धेरै
बैशाख ३१, २०८१ सोमबार