बैंकका चर्काे ब्याजविरूद्ध मुख्यमन्त्री कार्यालयमा उद्योगी व्यवसायीको धर्ना

१९ फागुन, धनगढी । सुदूरपश्चिम प्रदेशको मुख्यमन्त्री कार्यालयअगाडि उद्योगी व्यवसायीले विरोध प्रदर्शन गरेका छन् । बैंकहरुले चर्को ब्याज लिएर कानून उल्लंघन जारी राखेको भन्दै कारबाही गर्न र ब्याजदर घटाउन माग गर्दै उद्योगी व्यवसायीले आज बिहान धनगढी चौराहदेखि मुख्यमन्त्री तथा मन्त्रिपरिषद्को कार्यालयसम्म प्रदर्शन गरेका हुन् । प्रदर्शनपछि करlब ४५ मिनेट सडक अवरोध गर्दै उनीहरु धर्नामा बसे । उनीहरू र्यालीसहित त्यहाँ पुगेका थिए ।

सुदूरपश्चिम उद्योग वाणिज्य महासंघ, कैलाली उद्योग वाणिज्य संघ लगायतका व्यवसायिक संघसंस्थाहरुले ७ प्रतिशत ब्याजदरमा लिएको ऋणमा हाल १५ प्रतिशत पुर्‍याइएको भन्दै आक्रोश पोखेका छन् ।

महिनौंदेखि बैंक तथा वित्तीय संस्थाहरुले चर्को ब्याजदरको विरोधमा आन्दोलन गर्दै आएका छन् । माग पूरा नभएसम्म आन्दोलन नरोकिने र जस्तोसुकै स्तरमा प्रदर्शन गर्ने चेतावनी दिए । आन्दोलनमा डडेल्धुराबाट प्रतिनिधिसभाका उम्मेदवार रहेका युवा नेता सागर ढकालले ऐक्यबद्धता जनाएका छन् । ढकालले व्यवसायीका माग सरकारले तत्काल सम्बोधन गर्नुपर्ने बताए ।

आन्दोलनकारीहरुले प्रत्येक दिन बिहान ९ देखि ११ बजेसम्म व्यापार व्यवसाय बन्द गरेर विरोध जनाउने क्रमलाई निरन्तरता दिँदै आएका छन् । बै.क तथा लघु वित्तले सुरुमा ऋण प्रवाहमा भन्दा बिचमा आएर चर्को ब्याज लिएर व्यापारी र व्यवसायी तथा उद्योगीहरुमाथि चरम अत्याचार गरेको भन्दै देशैभर प्रदर्शन भइरहेको छ । तर सरकार र राष्ट्र बैकले ठोस कदम चालेको छैन ।