द्वन्द्वकालमा छोरालाई बेपत्ता पारेको भन्दै सेनाका सुवेदारविरूद्ध प्रहरीमा जाहेरी
नेपालबहस संवाददाता
फागुन २९, २०७९ सोमबार २२:५३:३०
२९ फागुन, पोखरा । तत्कालीन नेकपा (माओवादी)ले चलाएको द्वन्द्वकालमा तत्काली शाही सेनाले आफ्नो छोरा बेपत्ता पारेको भन्दै पोखरा–३० का अणनाथ बरालले प्रहरीमा सेनाविरूद्ध जाहेरी दिएका छन् ।
बरालले तत्कालीन शाही सेनाको फूल बारी ब्यारेकका सुबेदार कृष्णबहादुर गुरूङविरूद्ध सोमबार जाहेरी दरखास्त दिएका हुन् । गुरूङको कमाण्डमा सादा पोशाकमा रहेका सेनाको टोलीले बरालका छोरा नेत्रप्रसाद बराललाई पक्राउ गरी लगेदेखि नै बेपत्ता रहेको जाहेरीमा उल्लेख छ ।
उनले कास्कीको तत्कालीन भरतपोखरी गाविस–७ डाँडागाउँमा जन्तरे भन्ने साथीको घरबाट सेनाले २०६० कात्तिक १९ गते बिहान ५ बजे नेत्रप्रसादसहित ४ जनालाई गुरूङ नेतृत्वको सेनाले गैरकानूनी पक्राउ गरी ब्यारेकमा राखेर चरम यातना र बलपूर्वक बेपत्ता पारेको दाबी गरेका छन् । पक्राउपछि ब्यारेकमा सेनाले छोरासँग भेट गर्न समेत नदिई बन्धक बनाई हालसम्म बेपत्ता पारेको उनको दाबी छ ।
पक्राउ परेपछि नेत्रप्रसादले बुबालाई चिठी पठाएर आफूलाई आँखामा पट्टी बाँधेर हातमा हत्कडी लगाएर राखेको, मानव अधिकारकर्मीहरु आउँदा लुकाउने गरेको व्यहोरा उल्लेख रहेको जाहेरीमा उल्लेख गरेका छन् । उनले छोरा बेपत्ताबारे २०६२ असो १ मा राष्ट्रिय मानव अधिकार आयोगमा पनि निवेदन दर्ता गरेका थिए ।
बरालले छोरा बेपत्ता पार्ने कामको नेतृत्व गर्ने गुरु«ङलाई राज्यको नियमित फौजदारी कानून अनुसार दोषीलाई पक्राउ गरी अनुसन्धान तथा कानुनबमोजिम अदालतमा मुद्दा चलाउन माग गरेका छन् । उनले मुलुकी अपराध संहिता, संयुक्त राष्ट्र संघको मानव अधिकार घोषणा पत्र र राजनीतिक अधिकारसम्बन्धी अन्तर्राष्ट्रिय कानूनका आधारमा छोरालाई बेपत्ता पार्नेलाई कारबाही गरी बेपत्ता व्यक्तिको अवस्थासार्वजनिक गर्न उनले माग गरेका छन् ।
द्वन्द्वकालमा सेनाले छोरा बेपत्ता पारेको विषयमा यसअघि प्रहरीले जाहेरी दर्ता गर्न मानेको थिएन । सरकारी वकिलको कार्यालयमा पुग्दा समेत उनीहरुले साथ पाएनन् । पछि उच्च अदालत पोखरामा २०७८ मंसिर २७ गते रिट निवेदन दिएका थिए । उच्च अदालतले २०७९ मंसिर १३ गते जाहेरी दर्ता गरेर कारबाही प्रक्रिया अघि बढाउन प्रहरीलाई आदेश दिएको थियो । सोही आदेशका आधारमा जाहेरी दर्ता गरिएको हो ।
द्वन्द्वकालमै आफ्नो श्रीमान सेनाले पक्राउ गरी बेपत्ता पारेको जनाउँदै आरती शर्माले पनि दोषीविरुद्ध जाहेरी दर्ताको आदेश माग गरेको रिट उच्चमा छ । रिट फैसला प्रमाणीकरण भएपछि उनले पनि श्रीमान बेपत्ता पार्ने सैनिक अधिकृतविरूद्ध प्रहरीमा जाहेरी दिने तयारीमा छिन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपगृहमन्त्रीको फन्टुस निर्णयविरुद्ध सर्वोच्चमा रिट, आइतबार प्रारम्भिक सुनुवाइ हुने
जेठ १८, २०८१ शुक्रबार
छिपछिपे सहकारीको रकम हिनामिना गर्ने ३५ जनाविरुद्ध अदालतमा मुद्दा दर्ता गरिँदै
जेठ १८, २०८१ शुक्रबार
पेशी दोहोरिने प्रकरणः अदालतको सिस्टमबाटै हुन्छ कि नियतबस गरिन्छ ?
जेठ १७, २०८१ बिहिबार
सशस्त्रमा आईजीपी अर्याल विरुद्ध मोर्चाबन्दी !
नेपालबहस संवाददाता
जेठ १६, २०८१ बुधबार
झापामा हुरीबतासले करोडौँको क्षति, विद्युत् आपूर्ति बन्द
नेपालबहस संवाददाता
जेठ १६, २०८१ बुधबार
बजेट सच्याउने निर्णय गराएर करका दरमाथि खेल्दै अर्थमन्त्री, 'टाइपिङ इरर' भएको बहाना
जेठ १८, २०८१ शुक्रबार
तपाईको आजको राशीफल कस्तो छ ?
जेठ १८, २०८१ शुक्रबार
कांग्रेस मात्रै लोकतान्त्रिक पार्टी हो : नेता निधि
जेठ १७, २०८१ बिहिबार
एन्टीथेसिसः दाहालको ‘थेसिस’ असफल, संविधानको अन्तरवस्तुमा संशोधनको बहस अपरिहार्य
जेठ १८, २०८१ शुक्रबार
नेपालमा धूमपान र सुर्तीजन्य पदार्थको प्रयोगबाट मुखको क्यान्सर बढ्दै
जेठ १८, २०८१ शुक्रबार
अनन्त-राधिकाको दोस्रो प्रि-वेडिङ समारोहमा हलिउड गायिका केट पेरीको परफरमेन्स
जेठ १८, २०८१ शुक्रबार
काठमाडौं उपत्यकाभित्र त्रिविको सम्पत्ति खोजबिन गर्न पूर्वसचिवको संयोजकत्वमा समिति गठन
जेठ १८, २०८१ शुक्रबार
गृहमन्त्रीको फन्टुस निर्णयविरुद्ध सर्वोच्चमा रिट, आइतबार प्रारम्भिक सुनुवाइ हुने
जेठ १८, २०८१ शुक्रबार
यस्ता छन् मन्त्रिपरिषद् बैठकका २६ निर्णय ( हेर्नुस सुचिसहित )
जेठ १८, २०८१ शुक्रबार