वाणिज्य महासंघका उपाध्यक्ष श्रेष्ठले वरिष्ठ उपाध्यक्षमा उम्मेदवारी दिने

३० फागुन, काठमाडौं । नेपाल उद्योग वाणिज्य महासंघका उपाध्यक्ष अञ्जन श्रेष्ठले वरिष्ठ उपाध्यक्ष पदमा उम्मेदवारी घोषणा गरेका छन् । आउँदो चैत २८ र २९ मा काठमाडौं हुने निर्वाचनमा उनले वरिष्ठ उपाध्यक्ष पदमा उम्मेदवारी दिने मंगलबार घोषणा गरेका हुन् ।

नयाँ चुनौतीका सबैसामू आइरहेको व्यापार नीति र संगठन विस्तारका लागि आफूले उम्मेदवारी दिने उपाध्यक्ष श्रेष्ठले बताए । आफ्नो दुई दशक लामो अनुभव महासंघमै लगाउने उनको भनाइ छ ।

साना उद्योगी र व्यवसायीहरुको मुद्दालाई राम्ररी बुझेको बताउँदै उनले आगामी दिनमा महासंघबाटै सरकारसँग नीति सम्बोधनका लागि सशक्त रुपमा पहल गर्नेमा प्रतिवद्ध रहने उनले बताए ।