तरुण दलले गर्‍यो महासचिव पालुङवाको उपचारको लागि आर्थिक सहयोग

६ चैत, काठमाडौं । नेपाल तरुण दलले केन्द्रीय महासचिव पदम पालुङवाको उपचारको लागि आर्थिक सहयोग गरेको छ । सोमबार नेपाल तरुण दलका केन्द्रिय अध्यक्ष विद्वान गुरुङको नेतृत्वमा अस्पतालमै पुगेर महासचिव पालुङवाको उपचारको लागि आर्थिक सहयोग गरिएकाे बताइएकाे छ ।

महासचिव पालुङवा बिगत लामो समयदेखि टिचिङ अस्पतालकाे ‘मनमोहनमा’ उपचार गराई रहेका छन् । पालुङवाको शिघ्र स्वाथ्यलाभको कामना गर्दै अध्यक्ष विद्वान गुरुङको नेतृत्वमा आम तरुण नेताहरुसहित एक लाख ३० हजार रूपैँया आर्थिक सहयोग हस्तान्तरण गरेको बताइएको छ ।

सहयोग कार्यक्रममा नेपाल तरुण दल केन्द्रिय मुख्यसचिव ठान प्रसाद पोखरेल , नेपाल तरुण दल सोलुखुम्बु अध्यक्ष अशोक झा ,नेपाल तरुण दल सिन्धुपाल्चोक अध्यक्ष सन्जय लामा ,नेपाल तरुण दल नुवाकोट अध्यक्ष सिंहराज तामाङ ,नेपाल तरुण दल काभ्रे अध्यक्ष सुजन लामा लगायत तरुण महाधिवेशन प्रतिनिधिहरु, तरुण नेताहरु लागायतको उपस्थिति रहेको थियो।