बुद्ध थिएटर फेस्टिवलमा बुधबार दुई नाटक मञ्चन
नेपालबहस संवाददाता
चैत १५, २०७९ बुधबार २३:१०:१९
१५ चैत, काठमाडौं । काठमाडौंको जमल स्थित नाचघरमा १३ चैत सोमबारबाट तेश्रो संस्करणको ‘बुद्ध थिएटर फेस्टिवल–२०२३’ जारी छ । यो महोत्सब १७ चैत शुक्रबारसम्म नाचघरमा चल्ने छ । ६२औं विश्व रंगमञ्च दिवसको अबसर पारेर यो महोत्सब सुरु भएको हो ।
गौतम बुद्धको जीवनी र दर्शनलाई रंगमञ्चमार्फत प्रस्तुत गर्न र बुद्धका सन्देश विश्वभर फैल्याउन यो महोत्सब आयोजना गरिएको आयोजक संस्था सांस्कृतिक संस्थानका महाप्रबन्धक अशोक प्यासी राईले बताएका छन् । महोत्सबमा यसपटक ७ वटा नाटक चयन भएका थिए ।
बुद्ध थिएटर फेस्टिबलमा बुधबार दुई वटा नाटक मञ्चन भए । जसमा दिउँसो १ बजे निकिता गुरुङ निर्देशित नाटक ‘प्रतिविम्ब’ नाटक मञ्चन गरियो । यस्तै बुधबार नै बेलुका ५ बजे यो महोत्सबमा गीता थापा निर्देशित नाटक ‘पट्टाचारा’ मञ्चन गरियो ।
महोत्सबको दोस्रो मंगलबार प्रशान्त बगाले निर्देशनमा ‘थ्री लाफिङ मंक्स’ मञ्चन भयो । पहिलो दिन मेघा हलमा भएको यो महोत्सब दोश्रो दिनबाट चौथो दिनसम्म सानो हलमा भईरहेको छ । महोत्सबमा पहिलो दिन नाटक ‘चण्डालिका’ मञ्चन भएको थियो । रबिन्द्रनाग टेगोरको कथामा आधारित यो नाटकलाई मायाँ थापाले निर्देशन गरेकी थिईन् ।
बुधबार प्रदर्शन गरिएको गीता घिमिरे थापा निर्देशित नाटक पट्टचारामा आफ्नै नोकरको मायाँप्रेममा परेकी एक सुन्दरी कन्याको प्रेम सँघर्ष र बुद्धलाई भेटेपछि ती युवतीमा आएको परिवर्चतको कथा प्रस्तुत गरिएको थियो । यो नाटकमा बीरेन्द्र हमालको लाईट डिजाईन। निर्देशक गीताको सेट डिजाईन। राजेन्द्र कट्टेल र रोशन चन्दको प्रकाश परिचालन। अर्जुन न्यौपानेको ध्वानी परिचालन थियो ।
नाटक पट्टचारामा निशान खत्री क्षत्री, अञ्जली शाह, रमेश देवकोटा, रेखा कटुवाल श्रेष्ठ, सुशिल दाहाल, खगेन्द्र बोहरा, पर्वती गिरी, मनिष चौलागाई, बीरेन्द्र बुढामगर, प्रदीप राई, बीमला सापकोटा, श्रीकृष्ण शाहीलगायतको अभिनय थियो ।
बुधबार मञ्चन गरिएको अर्को नाटक नाटक ‘प्रतिविम्ब’मा बाउ छोराबीचको प्रेम देखाईएको थियो । छोरा गुम्बा बसेपछि उसमा आएको परिवर्तनको कथा यसमा थियो । यो नाटकमा टेक बिक्रम थापा, अनिषा न्यौपाने, रमेश बहादुर खडका, मनिष चौलागाई, नरहरि पराजुली, सलिना क्षत्री, शुशिला थापा, पार्वती गिरी, चन्द्रकुमार सरु मगरले अभिनय गरेका थिए ।
निशान क्षत्रीले सेट डिजाईन गरेको यो नाटकमा राजेन्द्र कट्टेल र रोशन चन्दको प्रकाश परिचालन, अरुण न्यौपानेको ध्वानी परिचालन, अनिषा न्यौपाने र नरहरि पराजुलीको भेषभुषा थियो।
यो मोत्सबको अर्को आयोजक डबली थिएटरका अध्यक्ष एवम् रँगकर्मी पुष्कर गुरुङका अनुसार यो महोत्सबमा बिहीबार नाटक ‘पश्चाताप’ मञ्चन गरिने भएको छ । यो नाटकलाई वर्षा भण्डारी निर्देशित गर्दैछिन् । बिहिबार नै सस्मिल मगर निर्देशित ‘अम्रपाली’ पनि मञ्चन हुँदैछ ।
यो महोत्सवको समापनमा शुक्रबार हुँदैछ । महोत्सबमा शुक्रबार वीरेन्द्र हमाल निर्देशित ‘चक्षु’ मञ्चन गरिनेछ । यो पनि बुद्धको उपदेशमा आधारित नाटक रहेको निर्देशक हमालले बताएका छन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपजेबी दर्लामीको उपन्यास ‘मारीखोलाको ढुंगो’ सार्वजनिक
चैत २५, २०८० आइतबार
‘भागु’ राष्ट्रिय बाल नाटक मेलाको सर्वोत्कृष्ट नाटक घोषित
चैत ३, २०८० शनिबार
पोखरामा ‘कखरा’ उपन्यासमाथि चर्चा
माघ २८, २०८० आइतबार
यस वर्ष पनि एनएमबी बैंकका शेयरधनीको हात खाली, वितरण योग्य मुनाफा ऋणात्मक
नेपालबहस संवाददाता
बैशाख ३०, २०८१ आइतबार
वर्षासँगै काठमाडौंको प्रदूषण कम हुँदै, ५० औँ स्थानमा सूचीकृत
नेपालबहस संवाददाता
बैशाख ३०, २०८१ आइतबार
उडिरहेको विमानमा एयर होस्टेसलाई यात्रुले दुर्व्यवहार गरेपछि...
नेपालबहस संवाददाता
बैशाख ३०, २०८१ आइतबार
क्रिकेटर सन्दीप लामिछानेको मुद्दा हेर्दाहेर्दैमा
जेठ १, २०८१ मंगलबार
आज सुनको मूल्य घट्यो, कतिमा हुँदै छ कारोबार ?
जेठ १, २०८१ मंगलबार
आठवटा ‘डिपट्युवेल’का ‘ट्रान्सफर्मर’ चोरी
जेठ २, २०८१ बुधबार
आयआर्जन र पर्यटन प्रवर्द्धनको माध्यम बन्दै महसिकार
जेठ २, २०८१ बुधबार
प्रधानमन्त्री र सभामुखबीच भेटवार्ता, संसदको अवरोध हटाउनेबारे छलफल
जेठ २, २०८१ बुधबार
वार्ता र कूटनीतिबाट भारतसँगका समस्या समाधान गर्नुपर्छ : परराष्ट्रमन्त्री
जेठ २, २०८१ बुधबार
संस्कृति संरक्षणका निम्ति मादल बजाउने तालिम
जेठ २, २०८१ बुधबार
थाइल्याण्डमा राजतन्त्रको अपमानको आरोपमा हिरासतमा रहेकी अभियन्ताको मृत्यु
जेठ २, २०८१ बुधबार