छुट्टाछुट्टै सवारी दुर्घटनामा ४ जनाको मृत्यु
इन्द्र रिजाल
चैत १९, २०७५ मंगलबार २०:१६:११
काठमाडौं । सिराहा, रुपन्देही र दाङमा भएका छुट्टाछुट्टै सवारी दुर्घटनामा ४ जनाको मृत्यु भएको छ । सिराहाको मिर्चैया नगरपालिका-६ बतहापुलस्थित सडकमा डब्लुबि २९ बि ६१७४ नम्बरको बसको ठक्करबाट साईकलयात्री सुखिपुर नगरपालिका-७ बल्ही बस्ने ३६ वर्षीय रामलखन साहको सोमबार राति मृत्यु भएको छ ।
उक्त बसको ठक्करबाट गम्भीर घाइते भएका उनको रेखा नर्सिङ होम मिर्चैयामा उपचारको क्रममा मृत्यु भएको हो । साथै बसको ठक्करबाट घाइते भएका अर्का साईकलयात्री मिर्चैया नगरपालिका-५ बस्ने ५८ वर्षीय भद्रकाली महासेठको सोही अस्पतालमा उपचार भइरहेको छ । बस चालकलाई प्रहरीले नियन्त्रणमा लिएको छ ।
यस्तै, रुपन्देहीको बुटवल उपमहानगरपालिका-१० स्थित सडकमा लु।२ ख २२३२ नम्बरको टिपर र लु।२२ प ४९७९ नम्बरको मोटरसाइकल एकआपसमा ठक्कर खाई सोमबार राति दुर्घटना हुँदा गम्भीर घाइते भएका मोटरसाइकल चालक देवदह नगरपालिका-४ बस्ने ५० वर्षीय डोलराज अर्यालको लुम्बिनी प्रादेशीक अस्पताल बुटवलमा उपचारको क्रममा मृत्यु भएको छ । दुबै सवारी साधन र टिपर चालकलाई प्रहरीले नियन्त्रणमा लिएको छ ।
यसैगरी रुपन्देही, सैनामैना नगरपालिका-५ बुद्धनगरस्थित सडकमा लु.१ ख ७८२२ नम्बरको ट्रकले लु.४७ प ९४७ नम्बरको मोटरसाइकललाई सोमबार राति ठक्कर दिँदा गम्भीर घाइते भएका मोटरसाइकल चालक सोही स्थान बस्ने २० वर्षीय सुरेन्द्र चौधरीको लुम्बिनी अञ्चल अस्पताल बुटवलमा उपचारको क्रममा मृत्यु भएको छ ।
दुर्घटनामा घाइते भएका सोही मोटरसाइकलमा सवार २२ वर्षीय श्यामु चौधरीको सोही अस्पतालमा उपचार भइरहेको छ । दुबै सवारी साधन र ट्रक चालकलाई प्रहरीले नियन्त्रणमा लिएको छ ।
उता दाङको घोराही उपमहानगरपालिका-१४ स्थित सडकमा रा.४ प ३८२२ नम्बरको स्कुटर आफै अनियन्त्रित भई मंगलबार बिहान दुर्घटना हुँदा चालक सोही स्थान बस्ने ३८ वर्षीय प्रकाश आचार्यको घटनास्थलमै मृत्यु भएको छ । दुर्घटनाका सम्बन्धमा स्थानीय प्रहरीले उद्दार एवम् आवश्यक अनुसन्धान गरिरहेको छ ।
इन्द्र रिजाल
इन्द्र रिजाल नेपालबहस डटकमका प्रधान सम्पादक हुन् । अर्थ राजनीतिक धारमा कलम चलाउने वरिष्ठ पत्रकार रिजालले आर्थिक, राजनीतिक तथा सामाजिक परिवेशका विषयवस्तुको यर्थाथमुखी चित्रण गर्छन् ।
लेखकबाट थपकाभ्रेपलाञ्चोकमा दम्पती मृत फेला
जेठ ९, २०८१ बुधबार
सुर्खेतमा बस दुर्घटना हुँदा दुई जनाको मृत्यु, २१ घाइते
जेठ ७, २०८१ सोमबार
रविको निशानामा देउवाको परिवारः आरजु र छोरा जयवीर माथि अनुसन्धानको तयारी
जेठ ९, २०८१ बुधबार
सामाजिक सञ्जालकर्ताको विद्रूप र कैलाश सिरोहिया प्रकरण
जेठ ९, २०८१ बुधबार
विश्वकप खेल्न आवेदन दिएका सन्दीपलाई अमेरिकाले दिएन भिसा
जेठ ९, २०८१ बुधबार
बुद्ध जयन्तीको अवसरमा भारतीय राजदूतावासद्धारा विविध कार्यक्रम आयोजना
जेठ ९, २०८१ बुधबार
सद्भाव फैलाउन बुद्ध शिक्षामा विश्वास गरौं : प्रधानमन्त्री
जेठ ९, २०८१ बुधबार
घोडाघोडीमा चरा उत्सव तथा तस्बिर प्रदर्शनी
जेठ ९, २०८१ बुधबार
गृहमन्त्री लामिछानेमाथि छानबिन हुनुपर्छ : राप्रपा
जेठ ९, २०८१ बुधबार