चितवन २ मा रवि लामिछानेको उम्मेदवारी कायम राख्ने निर्वाचन कार्यालयको निर्णय

२२ चैत, चितवन । चितवन क्षेत्र नं. २ मा हुने उपनिर्वाचनमा उम्मेदवारी दिएका राष्ट्रिय स्वतन्त्र पार्टीका सभापति रवि लामिछानेको उम्मेदवारी कायम रहने निर्णय मुख्य निर्वाचन अधिकृत कार्यालयले गरेको छ । 

लामिछानेको उम्मेदवार बदरको माग गर्दै सोमबार परेको ३ वटा उजुरीमाथि लामिछानेबाट पेस भएको लिखित स्पष्टीकरणमाथि अध्ययनपछि मंगलबार सो निर्णय गरेको हो । 

उजुरीमाथि छानबिन गर्दा उम्मेदवारी बदर गर्नुपर्ने नदेखिएकाे जनाउँदै कार्यालयले बुधबार यस्ताे निर्णय गरेकाे हाे ।

राष्ट्रिय जनमोर्चाका उमेदवार जनकराज शर्माका प्रतिनिधि डम्मर पुरी, स्वतन्त्र उमेदवार सन्तोष थापा र स्वतन्त्र उमेदवार अम्बिका भट्टको प्रतिनिधि शिवहरी सुवेदीले निर्वाचन अधिकृतको कार्यालयमा पुगेर मंगलबार उजुरी दर्ता गराएका थिए ।

सिन्धुलीका युवराज पाैडेलकाे उजुरीमाथि भने कार्यालयले ७ दिने स्पष्टीकरण साेधेकाे जनाइएकाे छ । लामिछानेले अमेरिकी नागरिकता त्यागेको निस्सा नबुझाई गत माघ १५ गते पुन: नेपाली नागरिकता लिएकाे पाैडेलकाे जिकिर छ । 

चितवन २, बारा २ र तनहुँ १ मा आउँदाे वैशाख १० मा उपनिर्वाचन हुँदैछ ।