‘असारे’ विकास रोक्न संसद बैठकमा सभामुखकाे ध्यानाकर्षण

२३ चैत, काठमाडौं । आर्थिक वर्ष अन्त्यतिर आइरहेको बेला सरकारले विकास बजेट खर्चको नाममा कमजोर गुणस्तरका ‘असारे’ विकासमा व्यापक मात्रामा बजेट खर्चेर भ्रष्टाचार गरेको भन्दै सरकारले चर्को आलोचना गरेका छन् । 

बिहीबार बसेको प्रतिनिधिसभाको बैठकमा विशेष समय लिएर बोल्दै एमालेकी सांसद जुलीकुमारी महतोले सरकारले ७ महिनासम्म चुप बसेर अन्तिमतिर आएर असारे विकास गरेर राज्यको ढुकुटीमा चरम भ्रष्टाचार गर्ने योजना बनाएको भन्दै आपत्ति जनाइन् । 

यसैगरी उनले मधेशमा नागरिकताको समस्या विकराल बन्दै गएको भन्दै नागरिकताविहीन नागरिकलाई तत्काल नागरिकता वितरण गराउनेबारे सरकारको ध्यानाकर्षण गराइन् ।

‘उमेर पुगेका नागरिकलाई नागरिकता दिन रोकेको छैन’ उनले भनिन् ‘तर सरकारले किन रोकिराखेको छ ? कसको स्वार्थमा अनागरिक बनाइररहेको छ ?’ अनागरिक बनाउने अधिकार सरकारलाइ नरहेकाे उनकाे भनाइ थियाे ।