कार्यव्यवस्था समितिमा २० सदस्य थप, नेमकिपाका सांसद सुवालद्वारा गुनासो

२३ चैत, काठमाडौं । संघीय संसदमा महत्वपूर्ण मानिने कार्य व्यवस्था समितिमा सदस्य थप गरिएको छ । समितिमा २० सदस्य थप गरिएको छ । 
सदस्य थप गरिएकाबारे बिहीबार प्रतिनिधिसभाका सभामुख देवप्रसाद घिमिरेले बैठकमा थपिएका सदस्यहरुको नाम पढेर सुनाएका थिए । 

जसमा अजयकुमार चौरासिया, अनिता देवी, गंगाराम चौधरी, जीवन परियार, तारा लामा तामाङ, नागिना यादव, पदम गिरि,प्रदीप यादव, महेशकुमार बर्तौला, मेटमणि चौधरी, रमेश लेखक, रामप्रकाश चौधरी, रामहरि खतिवडा, रुपा जाेशी चाैधरी, लिलानाथ श्रेष्ठ, विद्या भटट्राई, सरिता प्रसाइँ, सन्तोष चालिसे, ज्ञानबहादुर शाही र हितबहादुर तामाङलाई थप गरिएको छ । 

थप गरिएका संख्यामा नेपाल मजदुर किसान पार्टीका संसदीय दलका नेता समेत रहेका सांसद प्रेम सुवालले समितिमा संसदमा प्रतिनिधित्व रहेका सबै दलहरुको प्रतिनिधित्व हुनुपर्ने भन्दै आफ्नो दललाई नसमेटिएको गुनासो गरेका थिए । उनले नेमकिपा लगायत ३ दललाई समितिमा नसमेटिएको गुनासो गरे ।

सभामुखले बैठक संचालन गर्दा बैठकअघि समितिमा छलफल गर्ने र बैठक सूची तर्जुमा गरिँदै आएका छन् ।