बेलायतले १० नेपाली सुरक्षा गार्डलाई तत्काल फिर्ता नपठाउने

२३ चैत, काठमाडौं । बेलायत सरकारले अफगानिस्तानस्थित बेलायती दूतावासको सुरक्षामा खटिएका नेपाली सुरक्षा गार्डहरुको  ‘डिपोर्टेसन’ अर्थात घर फिर्ता प्रक्रिया रोकेको छ ।

गत २७ मार्च बिहान सबेरै छापा मारेर लन्डनबाट पक्राउ गरी ‘इमिग्रेसन डिटेन्सन सेन्टर’ राखिएका उनीहरुलाई नेपाल फर्काउने तयारी भएको थियो ।

तर अब त्यो निर्णय तत्काल कार्यान्वयन नगरिने भएको बीबीसीले उल्लेख गरेको छ । उनीहरु रिहा भएको लन्डनस्थित नेपाली दूतावासले जनाएको छ ।