पूर्वगभर्नरको नेतृत्वमा वायुसेवा निगमको संरचनागत अध्ययन गर्न समिति गठन

२४ चैत, काठमाडौं । संस्कृति, पर्यटन तथा नागरिक उड्डयन मन्त्री सुदन किरातीले नेपाल वायुसेवा निगमको संरचनागत र व्यवस्थापकीय पक्षको अध्ययन गर्न समिति गठन गरेका छन् । 

नेपाल राष्ट्र बैंकका पूर्वगभर्नर दिपेन्द्रबहादुर क्षेत्रीको अध्यक्षमा ५ सदस्यीय समिति गठन गरिएको मन्त्री सुदन किरातीले जानकारी दिए । समितिको सदस्यहरुमा क्याप्टेन ओम गुरुङ, संचारकर्मी टिकाराम राई, वरिष्ठ चार्टर्ड एकाउन्टेन्ट  पियुस आनन्द र सहारा न्यौपाने रहेका छन् ।

समितिलाई निगमको संरचनागत र व्यवस्थापकीय पक्षको अध्ययन प्रतिवेदन तयार गरी मन्त्रालयमा पेश गर्ने जिम्मेवारी दिइएको छ । हाल निगमले अहिले ५० अर्ब रुपैयाँ हाराहारी ऋणमा रहेको बताइएको छ ।