उपनिर्वाचनपछि ७ वटै प्रदेशमा सरकार पुनर्गठन गरिने

२६ चैत, काठमाडौं । नेपाली कांग्रेसका नेता बालकृष्ण खाणले उपनिर्वाचनपछि सबै प्रदेशमा सरकार पुनर्गठन हुने बताएका छन् ।

आइतबार जनपुरधाममा पार्टीनिकट प्रेस युनियनको धनुषा शाखाले आयोजना गरेको पत्रकार सम्मेलनमा पूर्वगृहमन्त्री समेत रशेका नेता खाणले वैशाख १० को उपनिर्वाचन लगत्तै प्रदेश सरकारहरु पुनर्गठन हुने बताए । 

उनले गठबन्धनमा आवद्ध दलहरुबीच प्रदेश सरकारमा आलोपालो मुख्यमन्त्री लिने सैद्धान्तिक सहमति भइसकेको पनि जानकारी दिए । ‘उपनिर्वाचन सकेलगत्तै सबै प्रदेशमा सरकार परिवर्तन हुन्छड उनले भने ।

उनले राष्ट्रपति कार्यालयमा अड्किएर बसेको नागरिकता विधेयक पनि छिट्टै प्रमाणीकरण भएर नागरिकताबाट वञ्चित भएकाहरुलाई नागरिकता दिइने बताए । आन्दोनका क्रममा लागेका मुद्दा खारेजीका लागि आफूले सरकारमा पहल गर्ने आश्वसन दिए ।