सिद्धार्थ बैंकको संस्थापक शेयर बिक्रीमा

२६ चैत, काठमाडाैं । सिद्धार्थ बैंकको ८९ हजार ३५३ कित्ता संस्थापक शेयर बिक्रीमा छ । २ जना संस्थापक शेयरधनीले आफ्नो स्वामित्वमा रहेको उक्त शेयर बिक्री खुला गरेका छन् ।

बैंकले संस्थापक शेयरधनी रजनी प्रधानको नाममा रहेको ७० हजार कित्ता र शिशिरनाथ ज्ञवालीको नाममा रहेको १४ हजार ३५३ कित्ता शेयर बिक्री खुला गरेको हो । उक्त शेयरमा अवेदन भने सिद्धार्थकै संस्थापक शेयरधनीले दिन सक्नेछन् भने यसको मूल्य भने तोकिएको छैन । 

यसमा शेयर खरिद गर्न इच्छुक जो कोहीले चैत २६ गते गतेदेखि ३५ दिन भित्र यस बैंकको केन्द्रीय कार्यालय हात्तीसार, काठमाडौं, कम्पनीको सचिवको कार्यालयमा आफूले खरिद गर्न चाहेको सेयर संख्या खुलाई निवेदन पेश गर्नु पर्नेछ । बैंकका अनुसार उक्त अवधिमा कुनै पनि संस्थापकबाट आवेदन नपरेमा भने सर्वसाधारण लगानीकर्तालाई बिक्री खुला गरिनेछ ।