गणतन्त्रको पञ्चायतीकरण हुने क्रम तीव्र : महासचिव भुसाल

२६ चैत, काठमाडौं । नेकपा (एकीकृत समाजवादी)का महासचिव घनश्याम भुसालले गणतन्त्रको पञ्चायतीकरण भइरहेको टिप्पणी गरेका छन् । 

आइतबार इलाममा सुरु भएको साहित्य महोत्सवमा  ‘राजनीतिमा एजेण्डा कि अनुहार’ शीर्षक छलफलमा महासचिव भुसालले दलहरु जनताका एजेण्डाबाट विमुख भइसकेको बताउँदै गणतन्त्रलाई पश्चायती गर्ने क्रम तीव्र बनेको बताए । 

उनले तत्कालीन पञ्चायतले आफूलाई दरबारकरण गरेको बताउँदै अहिले गणतन्त्र पञ्चायतीकरण भइरहेको बताए । एजेन्डाविनाको अनुहार मुखुण्डोसिवाय केही नहुने बताउँदै प्रजातन्त्र, लोकतन्त्र र गणतन्त्र जनताबाट टाढा हुने क्रम बढेको बताए । पञ्चायतीकरणले जनतालाई थप समस्यामा पार्ने उनको भनाइ छ ।

उनी गएको प्रतिनिधिसभा चुनावका बेला एमाले छाडेर स्वतन्त्र बनेका भुसाल केही हप्ता पहिलेमात्र एकीकृत समाजवादीमा प्रवेश गरेका हुन् । पार्टीमा संस्थापक महासचिव रहेका बेदुराम भुसाललाई अध्यक्ष माधवकुमार नेपालले उपाध्यक्षमा बढुवा गरेर महासचिवको जिम्मेवारी उनलाई दिइएको थियो ।