डडेल्धुरामा चरेस काराेबारीकाे अभियाेगमा ६० वर्षीय पुरुष पक्राउ

२६ चैत, डडेल्धुरा । यहाँ लागूऔषधसहित एक ६० वर्षीय पुरुष पक्राउ परेका छन् । प्रहरीका अनुसार पक्राउ पर्नेमा अमरगढी नगरपालिका–८ खनमडा गाउँका करनराज पाण्डेय रहेका छन् । 

खुद्र पसल व्यवसायी समेत रहेका पाण्डेयले सोही पसलबाट लागूऔषध (चरेस) को कारोबार गर्ने गरेको गोप्य सूचनाका आधारमा जिल्ला प्रहरी कार्यालयबाट खटिएको प्रहरी टोलीले छापा मार्दा चरेससहित पक्राउ गरिएको प्रहरीले जनाएको छ । 

अभियुक्त पाण्डेयमाथि आवश्यक अनुसन्धान भइरहेको जिल्ला प्रहरी कार्यालय डडेल्धुराका प्रहरी नायब उपरीक्षक मनोहर प्रसाद भट्टले जानकारी दिएका छन् । पाण्डेयलाई आइतबार नै सार्वजनिक गरिएको छ ।