बागमतीमा सरकार विस्तार गर्दै, कांग्रेसबाट २ जनाले मन्त्रीमा शपथ लिँदै

२६ चैत, हेटौंडा । बागमती प्रदेश सरकार विस्तार गरिने भएको छ । आइतबार नै सरकार विस्तार गरिने जनाइएको छ । जसमा नेपाली कांग्रेस सहभागी हुनेछ । 

कांग्रेसका बागमती प्रदेश संसदीय दलका नेता बहादुर सिंह लामा र प्रदेशसभा सदस्य तीर्थ लामाले आइतबार साँझ मन्त्री पदको शपथ लिँदैछन् । बहादुर सिं लामाले आर्थिक मामिला तथा योजना र तीर्थ लामाले खानेपानी, सिँचाई तथा ऊर्जा मन्त्रालयको जिम्मेवारी दिइँदैछ ।  

शेखर-गगन समूहनिकट सिंह नुवाकाेट र देउवानिकट लामा काभ्रेबाट प्रदेश सांसद छन् । माधवकुमार नेपाल नेतृत्वकाे एकीकृत समाजवादी पनि सरकारमा जाने तयारी छ । 

बागमतीमा नेकपा (माओवादी केन्द्र)का शालिकराम जम्कट्टेल मुख्यमन्त्री छन् । एमाले र राप्रपा सरकारबाट बाहिरिएपछि ७ वटा मन्त्रालय खाली छ ।