सांसद ढाकाकुमारमाथि छानबिन गर्न रास्वपाले अख्तियार गुहार्ने

२७ चैत, काठमडौं । राष्ट्रिय स्वतन्त्र पार्टी (रास्वपा)का समानुपातिक सांसद ढाकाकुमार श्रेष्ठमाथि छानबिनका लागि अख्तियारमा उजुरी दिने भएको छ । 

पार्टीका सभापति एवं चितवन क्षेत्र नम्बर २ का उम्मेदवार रवि लामिछानेले सांसद श्रेष्ठले मेडिकल व्यवसायी दुर्गा प्रसाईंसँग २ करोड मागिएको अडिओ प्रकरणमा जोडिएकाहरूविरुद्ध अख्तियार दुरुपयोग अनुसन्धान आयोगमा उजुरी दिने बताए । 

सोमबार आफ्नो निर्वाचन क्षेत्र चितवनमा चुनावी अभियानका क्रममा रहेका लामिछानेले सभामा बोल्दै २ करोड मागिएको काण्डमा अनुसन्धानका लागि अख्तियारमा आफैँले उजुरी दिने बताए । 

घुस मागेको अडियो सार्वजनिक सार्वजनिक भएपछि रास्वपाले आइतबार मात्र श्रेष्ठलाई पदबाट लिम्बन गरी ७२ घण्टे स्पष्टीकरण सोधिएको छ । अडियो सार्वजनिक प्रसाईले गरेका हुन् ।

उनले आफ्नो पार्टी अन्य पार्टीजस्तो नभएको भन्दै अडियो सार्वजनिक गर्नेलाई धन्यवाद दिए । भ्रष्टाचारीलाई प्रजा गर्ने, बचाउने चलन आफ्नो पार्टीमा नभएको बताउँदै सभापति लामिछानले भ्रष्टाचारी ठहर भएका जोकसैलाई कठालोमा समातेर सडकमा पछार्ने चेतावनी दिए । 

उनले उपचुनावकै मुखमा अडियो बाहिर आउनुलाई उनले षडयन्त्रको गन्ध भएको भन्दै यसलाई चिरेर अगाडि बढ्नुपर्ने बेला भएको बताए ।