घुस मागेकाे अडियो प्रकरणबारे रास्वपाले माग्यो संसद बैठकमा क्षमा

२७ चैत, काठमाडाैं । राष्ट्रिय स्वतन्त्र पार्टीका सांसद सन्तोष परियारले आफ्नो पार्टीका समानुपातिक सांसद ढाकाकुमार श्रेष्ठको अडियो संवादबारे साथै बैठकमा क्षमा मागेका छन् ।

उनले प्रकरणले संसदमा चोट पुगेको भन्दै सोमबार बसेको बैठकमा बोल्दै क्षमा मागेका हुन् । उनले प्रकरणबारे संसद बैठकलाई जानकारी दिएका छन् । 

रास्वपाका सांसद श्रेष्ठले मेडिकल व्यवसायी दुर्गा प्रसाईंसँग पार्टीका लागि भन्दै २ करो रुपैयाँ घुस मागेको अडियो आइतबार मात्र सार्वजनिक भएको थियो । 

सोही प्रकरणमा सांसद श्रेष्ठलाई अनिश्चितकालका लागि सांसद र पार्टीको सम्पूर्ण जिम्मेवारीबाट निलम्बन गर्दै ७२ घण्टे समयसीमा तोकेर स्पष्टीकरण माग गरेको छ । 

बैठकमा परियारले श्रेष्ठलाई पार्टीबाट निलम्बन गरेर छानबिन अनुशासन समितिलाइ निर्देशन दिइसकेकाे बताउँदै घटनाबो संसदको मान मर्दन भएको भन्दै क्षमा मागे ।संसदको गरिमा बढाउने रास्वपाको अभियानमा तलमाथि नहुने भन्दै सांसदहरुलाई आश्वस्त पार्ने कोशिस गरे । 

उनले विगतमा पनि सांसदहरुबाटै घुस काण्ड मच्चिएको र ती सबैको छानबिन हुनुपर्ने माग गरे ।