भट्टराईले गरे विप्लवकाे तरकारी खेती अवलाेकन

२८ चैत, कपिलवस्तु । नेकपाको मुख्यालयमा पार्टीका महासचिव र नेपाल समाजादी पार्टीका अध्यक्ष डा. बाबुराम भट्टराईबीच भेटवार्ता भएको छ ।

साेमबार भएको भेटमा दुई नेताबीच समसायिमक राजनीतिक विषय र आर्थिक संकटलाई निकास दिनेबारे छलफल भएका विप्लवका सचिवालये जनाएको छ । 

भेटवार्ता नेकपाको मुख्यालय कपिलवस्तुको शिवराजगढीमा भएको हो । भेटपछि भएको छलफलमा राजनैतिक र आर्थिक सकंटको निकासबारे पहल लिने र वर्तमान अवस्थाबारे जनस्तरसम्म पुगेर सुसूचित गराउनेबारे एकमत भएको बताइएको छ । 

मुलुकमा बाह्य हस्तक्षेप बढ्दै गएको र त्यसमा घरेलु प्रतिक्रियाले मलजल पुर्याइरहेको निष्कर्ष निकालिएको छ । परिवर्तन र लोकतान्त्रिक पक्षहरुबीच छिट्टै एकता वा कार्यगत एकता गर्नेबारे गहन छलफल प्रारम्भ गरिने भएको छ । संक्रमणकालीन न्यायसम्बन्धी विषयलाई न्यायोचित र वैज्ञानिक तवरले समाधान गर्नुपर्नेमा एकमत बनेको बताइएको छ ।

छलफलपछि पूर्वप्रधानमन्त्री समेत रहेका भट्टराईले मुख्यालयमा रहेको पुस्तकालयको अवलोकन गरेका थिए । साथै नेकपाको उत्पादन नीतिअनुरुप लगाइएको माछा पालन तथा तरकारी खेती तथा पार्टीकै इञ्जिनियिरहरुको डिजाइनमा निर्माणधीन भौतिक संरचनाको अवलोकन गरेका थिए ।

शिवराजगढी विप्लवको गृह नगर हो । उनले पार्टीको मुख्यालय पनि यही बनाएका छन् । नेकपाले उत्पादन नीतिलाइ जाेडसाथ अगाडि बढाइरहेकाे छ ।