उपप्रधानमन्त्री श्रेष्ठ र भारतीय राजदूतबीचकाेा भेटवार्तामा प्रधानमन्त्रीकाे भारत भ्रमणाबारे छलफल

२९ चैत, काठमाडौं । उपप्रधानमन्त्री एवं गृहमन्त्री नारायणकाजी श्रेष्ठ र नेपालका लागि भारतीय राजदूत नवीन श्रीवास्तवबीच गृह मन्त्रालयमा भेटवार्ता भएको छ ।

भेटवार्तामा प्रधानमन्त्री पुष्पकमल दाहाल ‘प्रचण्ड’लाई भारत भ्रमणाबारे छलफल भएकाे छ । साथै नेपाल–भारत सम्बन्ध, निरन्तरको सहकार्य र सीमा सुरक्षा लगायत विषयमा छलफल भएको श्रेष्ठको सचिवालयले जनाएको छ ।

उपप्रधानमन्त्री श्रेष्ठले प्रधानमन्त्री प्रचण्डको भारत भ्रमण छिटै तय हुने जानकारी दिएका थिए । साथै सीमा व्यवस्थापन र सीमापार अपराध नियन्त्रण जस्ता संवेदनशील विषयमा दुई देशबीच खुला छलफल हुनुपर्ने कुरा राखेको सचिवालयले जनाएको छ ।

श्रेष्ठले हालै आफूले रुपन्देहीमा ‘बोर्डर आउटपोस्ट’ निरीक्षण गरेको र सो क्रममा आफूले दुई देशका सुरक्षा निकायबीच राम्रो समन्वय र सहकार्य  रहेकाे पाइएकाे बताए ।

राजदूत श्रीवास्तवले प्रधानमन्त्री प्रचण्डको प्रस्तावित भारत भ्रमणको कार्यक्रम मिलाउनेबारे तयारी भइरहेको जानकारी दिएका थिए ।