युवा संघको अध्यक्षमा थेबे र महासचिवमा पुरी चयन

३० चैत, काठमाडौं । नेकपा (एमाले)निकट राष्ट्रिय युवा संघ नेपालको नयाँ नेतृत्वमा  घोषणा भएको छ । अध्यक्षमा क्षितिज थेवे र महासचिवमा सुमन पुरी चयन भएका छन् ।

नेपालगन्जमा सोमबार सुरु भएको नवौं राष्ट्रिय महाधिवेशनमा अध्यक्षका लागि थेवे र सन्तोष रावलले उम्मेदवारी दिएका थिए । तर पार्टीका नेताहरुको हस्तक्षेपबाट निर्वाचनबिनौ अध्यक्ष चयन गरिएको हो । 

यस्तै, सहमतिका लागि विधान संशोधन गरिएको छ । ३ बाट बढाएर उपध्यक्ष संख्या ७ पुर्याइएको छ । सचिवको संख्या भने घटाइएको छ ।

उपाध्यक्षमा अमित लामा, पुष्प श्रेष्ठ, कृष्णहरी केसी, महाराज गुरुङ, सीता सुवेदी, रमेश तिवारी र प्रकाश गौतम चयन भएका छन् । उप महासचिवमा महेन्द्र गुरुङ र राजन थापा, सचिवमा विनय शाह, खेम शर्मा, जय गुरुङ, मोबिन आलम, अनिता कन्दङ्वा, देवानन्द मेहता, बिष्णा चन्द, पर्वत भण्डारी र कुबेर अधिकारी चयन भएका छन् ।

कोषाध्यक्षमा राकेश राई, लेखा आयोग प्रमुखमा सन्तोष चौलागाई, उपप्रमुखमा नानीराम तिवारी, सचिवमा प्रवीन चयन भएका निर्वाचन अधिकृत अधिवक्ता विकास आचार्यले जानकारी दिए ।

अनुशासन आयोग प्रमुखमा राकेश लामा, उपप्रमुखमा दिपेश खड्का र सचिवमा राजन नेपाली, निर्वाचन आयोगमा बलराम बेलबासे प्रमुख, बाबु छतकुली उपप्रमुख र गोकर्ण नेपाली सचिव चयन भएका छन् ।