आज एकैदिन थप १०६ जनामा कोरोना संक्रमण पुष्टि

३० चैत, काठमाडौं । नेपालमा पछिल्लो २४ घण्टामा थप १०६ जनामा कोरोना भाइरसको संक्रमण पुष्टि  भएको छ । स्वास्थ्य मन्त्रालयका अनुसार १ हजार ४ सय ८८ जनाको नमुना परीक्षण गरिएकोमध्ये ५ सय ४१ जनाको पीसीआर र ९४७ जनाको एन्टिजेन परीक्षण गरिएको थियो। त्यसमध्ये ६४ जनामा पीसीआर र ४२ जनामा एन्टिजेन गरी १०६ जनामा संक्रमण देखिएको हो। 

मन्त्रालयका अनुसार सक्रिय संक्रमितको संख्या ४ सय ३५ जना पुगेको छ।  संस्थागत आइशोलेशनमा २७ जना, आइसीयूमा १२ जना र भेन्टिलेटरमा ३ जना उपचाररत रहेको मन्त्रालयले जनाएको छ।  संक्रमण बढेसँगै स्वास्थ्य मन्त्रालयले  कोरोनावपिरुद्धको बुष्टर डोज खोप लगाउन सबैमा आग्रह गरेको छ ।