गोविन्दराज जोशी तनहुँ १ काे उपनिर्वाचनमा रास्वपाका वाग्लेप्रति ढल्किए
नेपालबहस संवाददाता
चैत ३०, २०७९ बिहिबार १६:१०:१४
३० चैत, काठमाडौं । तनहुँको क्षेत्र नम्बर १ मा हुने उपचुनावमा पूर्वकांग्रेस नेता गोविन्दराज जोशी पार्टीले आफ्नो माग पूरा नगरेको भन्दै रास्वपाका उम्मेदवार स्वर्णिम वाग्लेप्रति नरम बनेका हुन् ।
उनले आजै मात्र रास्वपाका सभापति रबि लामिछानेसँग तनहुँको चुम्लिङटारमा भेट गरेका छन् । जोशी समूहले उम्मेदवार वाग्लेलाई समर्थन गर्ने कुरा भएको भेटपछि रास्वपाका एक नेताले बताए । यसबाट जाेशी उपनिर्वाचनमा रास्वपातिर ढल्किन पुगेकाे स्पष्ट हुन्छ ।
तनहुँ १ मा उपनिर्वाचनमा कांग्रेसबाट गोविन्द्रराज भट्टराई उम्मेदवार छन् । उनलाई सत्तारुढ १० दलको समर्थन छ । सो क्षेत्रबाट गत मंसिर ४ मा भएको प्रतिनिधिसभा सदस्यमा निर्वाचित रामचन्द्र पौडेल गत फागुन २६ मा राष्ट्रपतिमा निर्वाचित भएपछि उक्त क्षेत्र रिक्त रहेको छ । मंसिर ४ को चुनावमा जोशी पार्टीले टिकट नदिएपछि स्वतन्त्र उम्मेदवार उठेका थिए । त्यसबेला उनले ६ हवार ८ सय ७८ मत ल्याएका थिए ।
उनलाई २०७४ को प्रतिनिधिसभाको चुनावमा पार्टीबाट पौडेल नै उम्मेदवार थिए । त्योबेला एमालेका उम्मेदवारसँग पराजित भएका थिए । त्यसमा जोशी समूहले मत नदिएकोा निष्कर्षसहित पार्टीले जोशीलाई ५ वर्षका साधारण सदस्यसमेत नरहने गरी निष्कासन कारवाही गरेपछि उनी बांग्रेसबाहिर छन् ।
अहिले फेरि उपनिर्वाचनमा उनले आफूलाई पार्टीमा महत्वपूर्ण भूमिका दिनुपर्ने, समूहलाई पार्टीमा ३३ प्रतिशत स्थान दिनुपर्ने, स्थानय चुनावका बेला व्यास नगरपालिकामा भएका आक्रमण घटनामाथि छानबिन गर्नुपर्नेलगायत माग राख्दै आएका छन् । तर पार्टी सभापति शेरबहादुर देउवाले माग सम्बोधन गर्न अस्वीकार गरेका छन् ।
जोशीका छोरा दीपक गत वर्ष स्थानीय चुनावमा ब्यास नगरपालिका प्रमुखमा उम्मेदवार बनेका थिए । उनले ११ हजार ८ सय २६ मत ल्याए, तर एमालेका उम्मेदवारसँग पराजित भएका थिए ।
योसँगै यहाँको उपनिर्वाचनमा कांग्रेसका भट्टराई, एमालेका सर्वेन्द्र खनाल र रास्वपाका वाग्लेबीच कडा प्रतिस्पर्धा हुने भएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपविद्यार्थी मृत फेला परेपछि आक्रोशित भिडद्वारा स्कुलमा आगलागी
नेपालबहस संवाददाता
जेठ ४, २०८१ शुक्रबार
कलेजो क्यान्सर भएको कसरी थाहा पाउने ? यस्ता छन् लक्ष्णहरु !
नेपालबहस संवाददाता
जेठ ५, २०८१ शनिबार
हावाहुरीले उदयपुरमा करोडौँको क्षति
जेठ ६, २०८१ आइतबार
तपाईको आजको राशीफल कस्तो छ ?
जेठ ७, २०८१ सोमबार
कस्तो छ आजको मौसम पूर्वानुमान ?
जेठ ७, २०८१ सोमबार
बारामा दश महिनामा रु दुई करोड ४३ लाख राजस्व संकलन
जेठ ७, २०८१ सोमबार
तीव्र हावा तथा भारी वर्षाका कारण श्रीलङ्कामा दश हजारभन्दा बढी प्रभावित
जेठ ७, २०८१ सोमबार
आगलागी नियन्त्रणमा आएपछि देखिएको दृश्य
जेठ ७, २०८१ सोमबार
सङ्खुवासभाको सभापोखरीमा चट्याङ लागेर ७२ भेडाको मरे
जेठ ७, २०८१ सोमबार