बालकोट जाँदै प्रधानमन्त्री प्रचण्ड र कांग्रेस सभापति देउवा

४ वैशाख,काठाडौ । प्रधानमन्त्री पुष्पकमल दाहाल 'प्रचण्ड' र नेपाली कांग्रेसका सभापति शेरबहादुर देउवा नेकपा एमाले अध्यक्ष केपी शर्मा ओलीको निवास बालकोट जाने कार्यक्रम तय भएको छ । एमाले अध्यक्ष ओली ज्वरोका कारणबाहिर हिँडडुल गर्न असमर्थ भएपछि उनको स्वास्थ्य अवस्था बुझ्न र विषेश गरी प्रतिनिधिसभाका विषयगत समितिहरुको सभापतिको विषय टुंग्याउन दुई नेता बालकोट जाने भएका हुने । 

प्रधानमन्त्री प्रचण्ड र सभापति देउवा सोमबार बिहान ९ बजे बालकोट जाने कार्यक्रम तय भएको छ । एक साता देखि ज्वरोका कारण अस्वस्थ भएका भएका अध्यक्ष ओलीको स्वास्थ्य अवस्था बुझ्न र समसामयिक विषयमा छलफल गर्न शीर्ष दलका प्रमुखहरू बालकोट जाने कार्यक्रम तय भएको प्रधानमन्त्रीको निजी सचिवालयले जनाएको छ । 

ओलीसँगको भेटमा संवैधानिक परिषद् सम्बन्धी विधेयक, सत्य निरूपण तथा मेलमिलाप र बेपत्ता पारिएका नागरिक छानबिन सम्बन्धी विधेयकलाई अगाडि बढाउने विषयमा पनि छलफल गर्ने सचिवालयले जनाएको जनाएको छ । सङ्क्रमणकालीन न्यायसँग सम्बन्धित विधेयकबारे समेत शीर्ष तहमा छलफल हुने जनाएको छ । प्रतिनिधिसभाका विषयगत समितिहरुमा भने कुन दलले कति संख्या पाउने भन्ने सहमति भइसकेको छ । अब सभापतिबारे मिलाउन बााकी छ । 

गत सोमबार कार्यव्यवस्थाले १० वटा समितिमा सामथ्र्यका आधारमा दलले पाउने संख्या बाँडफाँट गरेको थियो । संसद् सचिवालयका अनुसार संसद्को ठूलो नेपाली दल कांग्रेसले अर्थ, अन्तर्राष्ट्रिय, उद्योग, कानुन, राज्यव्यवस्था र शिक्षा समितिमा ८÷८ जना, कृषि, महिला, पूर्वाधार विकास र लेखा समितिमा ९÷९ जना पाउने भएका छ । 

एमालेले अर्थ, अन्तर्राष्ट्रिय, उद्योग, कानुन, कृषि, महिला, राज्यव्यवस्था, पूर्वाधार र लेखा समितिमा ८÷८ र शिक्षा समितिमा ७ जनाको प्रतिनिधित्व पाएको छ । माओवादी केन्द्रले अर्थ, अन्तर्राष्ट्रिय, उद्योग, कानुन, कृषिमा ३÷३ तथा महिला, राज्यव्यवस्था, पूर्वाधार, शिक्षा र लेखा समितिमा २÷२ सिट पाएको छ । रास्वपाले अन्तर्राष्ट्रियमा १ र बाँकी ९ वटामा २÷२ सिट पाएको छ । राप्रपाले अर्थ, उद्योग, कृषि, महिलामा २÷२ र बाँकी ६ वटामा १÷१ सिट पाएको छ । जसपाले दशवटै समितिमा १÷१ जना प्रतिनिधित्व पाएको छ ।

एकीकृत समाजवादीले पूर्वाधार विकासबाहेक ९ वटा समितिमा १÷१ प्रतिनिधित्व पाएको छ । जनमतले अर्थ, उद्योग, कानुन, महिला, शिक्षा र लेखा समितिमा १÷१ जना, लोसपाले अन्तर्राष्ट्रिय, राज्य व्यवस्था र शिक्षा तथा नागरिक उन्मुक्तिले अन्तर्राष्ट्रिय, पूर्वाधार विकास र शिक्षामा १÷१ सिट पाएको छ ।