गण्डकीका मुख्यमन्त्री पद त्यागको मनस्थितिमा

४ वैशाख, कास्की । एमालेबाट मुख्यमन्त्री बनेको गण्डकीका मुख्यमन्त्री खगराज अधिकारी पद त्याग गर्ने मनस्थितिमा पुगेका छन् ।

केन्द्र सरकारमा एमाले बाहिरिएदेखि नै ‘मुड अफ’मा परेका अधिकारी पछिल्लो समयमा नेकपा (माओवादी केन्द्र)ले रकारलाई दिएको समर्थन फिर्ता लिएपछि उनको पद धरापमा परेको थियो । माओवादी केन्द्रले गत चैत १० मा उनलाई मुख्यमन्त्री नियुक्तका बेला गरेको समर्थन फिर्ता लिइसकेको छ । 

सरकारले वैशाख ९ गतेका लागि संसद् अधिवेशन बोलाउन प्रदेश प्रमुखलाई सिफारिस गरेको छ । प्रदेश प्रमुखले ९ गते ३ बजेका लागि बैठक आह्वान गरेका छन् । उक्त दिनस्म  विश्वासको मत नपाए अधिकारीको सरकार ढल्छ । त्यसो भएको खण्डमा उनको हालत पनि सुदूरपश्चिम प्रदेशका एमाले राजेन्द्र सिंह्र रावलकै जस्तो हुनेछ । 

तर अझै विश्वासको मत लिनेगरी संसद् फेस गर्ने कि सो अगावै राजीनामा दिने भन्नेमा मुख्यमन्त्री अधिकारी प्रष्ट भइसकेका नसकेको निकस्थ स्रोत बताउँछन् । हाल अधिकारी आन्तरिक परामर्शमा जुटेको र विश्वासको मत माग्नुको सट्टा संदनमा सम्बोधन गरेर राजीनामा गर्न उचित हुने सुझाव निकटस्थहरुले दिइरहेको बताएका छन् । 

आइतबार बसेको प्रदेश एमाले संसदीय दलको बैठकमा अधिकारीलाई सांसद्हरूले स्वविवेक प्रयोग गर्न सुझाएका थिए ।

सुदूरपश्चिम रावललाई पनि तत्कालीन अपस्थामा पार्टीकै सांसहरुले दिएका राजीनामाको सु्झावलाई बेवास्ता गरेर प्रदेशसभा बैठक विश्वासको मत लिन पुग्दा मत पाउन असफल भई पद च्युत भएका थिए । हालका कांग्रेसहितका सत्ता गठबन्धनको बहुमत पर्याप्त भएकाले अधिकारीको पद गुम्ने निश्चित रहेको राजनीतिक विश्लेषकहरु बताउँछन् ।