राष्ट्रपति पौडेललाई नयाँ दिल्लीस्थित एम्स अस्पतालमा भर्ना

वैशाख, काठमाडौं । स्वास्थ्यमा सहमस्या आएपछि थप उपचारका लागि भारतको नयाँ दिल्ली लगिएका राष्ट्रपति रामचन्द्र पौडेललाई भारतको राजधानी नयाँ दिल्लीस्थित अल इन्डिया इन्स्टिच्युट अफ मेडिकल साइन्सेस (एम्स) अस्पतालमा भर्ना गरिएको छ । राष्ट्रपति पौडेलका प्रेस सल्लाहकार किरण पोखरेलले नेपालबहसलाई दिएको जानकारी अनुसार पौडेललाई एम्स भर्ना गरिएको हो । 

राष्ट्रपति पौडेललाई एम्सको भीआईपी आईसीयूमा राखेर उपचार सुरु गरिएको छ । पौडेललाई बुधबार बिहान नयाँ दिल्लीस्थित विमानस्थलमा अवतरण गरेलगत्तै भारतका लागि नेपाली राजदूत शंकर शर्मा र भारतीय विदेश मन्त्रालयको नर्थ डिभिजन प्रमुख अनुराग श्रीवास्तवले रिसिभ गरेका थिए ।  उनको उपचारमा हाल एम्स अस्पतालका प्लमोनरी, क्रिटिकल केयर तथा स्लिप मेडिसिन विभागका प्रमुख प्रा.डा. अनन्त मोहन र आईसीयू विज्ञ डा. पुनीत मिश्रको टोली संलग्न रहेको छ ।  

उनलाई बुधबार बिहान श्री एयरलाइन्सको एयर एम्बुलेन्समार्फत नयाँदिल्ली लगिएको हो । लामो समय एन्टिबायटिक चलाउँदा पनि स्वास्थ्यमा उत्साहजनक सुधार भएको थिएन् । उनको छातीमा संक्रमण देखिएको छ । अस्वस्थ्य भएपछि पौडेललाई सोमबार नियमित फलोअपमा अस्पताल लगिएको थियो । 

उपचारमा संलग्न चिकित्सकले उनको छातीमा जमेको पानी निकालेर परीक्षण गरेका थिए । प्रारम्भिक परीक्षणमा संक्रमणबाहेक अन्य अवस्था सामान्य देखिएको थियो । छातीको एमआरआई र सीटी स्क्यान रिपोर्टमा पनि संक्रमणबाहेक नराम्रो रिपोर्ट नआएको चिकित्सकले बताएा थिए । पछि बढ्दै गएपछि चिकित्सकको सल्लाहमा थप उपचारका लागि भारत लगिएको हो ।

राष्ट्रिपति पौडेसँगै निजी चिकित्सक डा. निरज बम, परिवारका सदस्य र ७ जना चिकित्सकको टोली भारत गएको छ । नयाँदिल्ली नपुन्जेलसम्म हवाई यात्राका क्रममा राष्ट्रपति पौडेलको उपचार र निगरानीमा त्रिवि शिक्षण अस्पतल र नर्भिक अस्पतालको चिकित्सकको टोली गएको हो । यो टोली नेपाल फर्कने छ ।