शान्ति सुरक्षा तथा चोरी तस्करी नियन्त्रणमा सशस्त्र प्रहरीको १० नं. गण सक्रिय, ५५ लाखको अवैध सामान बरामद
नेपालबहस संवाददाता
बैशाख १२, २०८० मंगलबार १६:१७:५५
•जगन्नाथ साह सोनी
१२ वैशाख, सर्लाही । भारतीय सीमा क्षेत्रमा हुने चोरी तस्करी नियन्त्रणमा सशस्त्र प्रहरी बल सक्रिय देखिएको छ । खुल्ला सीमासँग जोडिएको सर्लाहीको भूगोलमा सशस्त्र प्रहरीले चोरी तस्करी नियन्त्रणमा सक्रियता देखाएको हो । तीन महिना अघि मात्र एपीएफको इन्टेलिजेन्स ब्यूरोबाट सरुवा भई सशस्त्र प्रहरी सशस्त्र प्रहरी बल नेपाल नं. १० गण सर्लाहीमा आएका सशस्त्र प्रहरी उपरीक्षक तुल बहादुर भण्डारी तस्करी नियन्त्रणमा सक्रिय बनेका छन् ।
मधेश प्रदेशका जिल्लामध्ये शान्ति सुरक्षाको हिसाबले सर्लाही शान्ति सुरक्षाका हिसाबमा पनि संवेदनशील जिल्ला भित्र पर्छ। भारतसँग खुला सीमा जोडिएको जिल्ला भएका कारण यहाँ अवैध क्रियाकलाप, लागूऔषध एवं हातहतियारको अवैध ओसारपसार, चोरी–तस्करी लगायतका घटना हुने गरेका छन्। यस्ता घटना नियन्त्रणका लागि सशस्त्र प्रहरीले सीमावर्ती क्षेत्रमा विशेष निगरानी बढाएको छ।
यसरी निगरानी सीमा क्षेत्रका नागरिकले शान्ति सुरक्षाको दरिलो अनुभूति गर्ने गरेका छन् भने भारतबाट अवैध रूपमा नेपाल भित्र्याएको सामान पक्राउ गर्ने क्रम बढ्दो छ। १० नं. गण सर्लाहीका एसपी भण्डारीका अनुसार विनाबिल–बिजक र अवैध रूपमा नेपाल ल्याएका सामान सशस्त्र प्रहरीले बरामद गरेको छ। तीन महिनाको यो अवधिमा सशस्त्र प्रहरी १० नं. गण ले करिब ५५ लाख भन्दा बढीको भन्सार छली भित्र्याइएका अवैध सामान पक्राउ गरी भन्सार कार्यालयमा बुझाएको छ । सशस्त्र प्रहरी बल, नेपाल नं १० गण सर्लाहीले अवैध चोरी तस्करी नियन्त्रण गर्न तथा राजश्व वृद्धि गर्न सक्रिय रूपमा जुटेको एसपी भण्डारीले नेपालबहसलाई बताए। सशस्त्र प्रहरीकै सक्रियताका कारण भन्सार राजश्व लक्ष्य भन्दा बढी उठाउन भन्सार कार्यालय सर्लाही सफल भएको छ ।
शान्ति सुरक्षा र तस्करी नियन्त्रणका लागि सशस्त्र प्रहरीको तैनाथी व्यापक बनाइएको उनले जानकारी दिए । जिल्लाबाट हुने अवैध चोरी निकासी र लागूपदार्थ ओसारपसारजस्ता घटना रोक्न सशस्त्रले सक्रियता बढाएको हो । सीमा अपराध नियन्त्रणमा जिल्लाका विभिन्न बीओपी, बेस क्याम्प र गुल्ममा रहेका सशस्त्र प्रहरीका अधिकृत तथा जवान २४ औं घन्टा तयारी अवस्थामा रहेको उनको भनाई छ । प्रहरी उपरीक्षक भण्डारीले भने–‘सीमा अपराध, चोरी पैठारी नियन्त्रणमा हामी अलर्ट अवस्थामा छौं ।’
सशस्त्र प्रहरीले सीमामा हुने अवैध कृयाकलाप रोक्न सक्रियता देखाएसँगै महिना दिनमै कपडा, खाद, गुटका लगायतका लाखौं मूल्यको सामान बरामद गरेको छ । राज्यले संगठनलाई दिएको जिम्मेवारी र कर्तव्यको पूर्ण रुपमा पालन गर्दै खुला सीमाको कारण हुनसक्ने अवैध गतिविधि र जुनसुकै अवाञ्छित क्रियाकलापको रोकथाम र नियन्त्रणमा सशस्त्र प्रहरी बल सदैव सक्रिय रहने एसपी भण्डारीले बताए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसशस्त्र प्रहरी बलका १६ डीआईजी र १८ एसएसपीको सरुवा, मधेश प्रदेशमा धौबजी र कोशीमा सुवेदी
बैशाख १९, २०८१ बुधबार
फेवातालमा सशस्त्रकाे विपद् उद्धारसम्बन्धी कृतिम घटना अभ्यास
बैशाख १८, २०८१ मंगलबार
सीमा क्षेत्रमा सशस्त्रको पैदल गस्ती सुरु
बैशाख ९, २०८१ आइतबार
यस वर्ष पनि एनएमबी बैंकका शेयरधनीको हात खाली, वितरण योग्य मुनाफा ऋणात्मक
नेपालबहस संवाददाता
बैशाख ३०, २०८१ आइतबार
वर्षासँगै काठमाडौंको प्रदूषण कम हुँदै, ५० औँ स्थानमा सूचीकृत
नेपालबहस संवाददाता
बैशाख ३०, २०८१ आइतबार
उडिरहेको विमानमा एयर होस्टेसलाई यात्रुले दुर्व्यवहार गरेपछि...
नेपालबहस संवाददाता
बैशाख ३०, २०८१ आइतबार
क्रिकेटर सन्दीप लामिछानेको मुद्दा हेर्दाहेर्दैमा
जेठ १, २०८१ मंगलबार
दैनिक सूर्य नमस्कार गर्दा यी १० समस्याबाट छुटकारा मिल्छ
जेठ १, २०८१ मंगलबार
बिहिबारदेखि काठमाडौंका यी क्षेत्रमा ६ घण्टा विद्युत अवरुद्ध हुने
जेठ २, २०८१ बुधबार
सिनेमाघर एपमा रिलिज भयो ‘चपली हाइट ३’, विश्वभरबाट हेर्न सकिने
जेठ २, २०८१ बुधबार
प्रधानमन्त्रीले जेठ ६ गते प्रतिनिधि सभामा सांसदसँग प्रश्नोत्तर गर्ने
जेठ २, २०८१ बुधबार
चिनियाँ विद्युतीय कारमा अमेरिकाले चार गुणा कर बढायो
जेठ २, २०८१ बुधबार
कुमारी बैंकका ग्राहकलाई फिट लाईफ क्लबबाट प्रदान गरिने सेवाहरुमा १५% छुट
जेठ २, २०८१ बुधबार
भरतपुर अस्पतालमा रक्तसञ्चार केन्द्र सञ्चालन
जेठ २, २०८१ बुधबार