दैलेखमा असिना पानीका कारण ठूलो क्षति, राहत उपलब्ध गराउन माग
इन्द्र रिजाल
चैत २४, २०७५ आइतबार २३:१८:४६
काठमाडौं । प्रतिनिधिसभा सदस्य राजबहादुर बुढाले यही चैत २२ गते साँझपख दैलेखको इतिहासमै पहिलो पल्ट भएको ठानिएको हुरीबतास र असिना वर्षाले जिल्लाका दुई नगरपालिका र एक गाउँपालिकाका प्रभावित परिवारका लागि राहतको व्यवस्था गर्न सङ्घीय, प्रदेश तथा स्थानीय तीनै तहका सरकारसमक्ष आग्रह गरेका छन् ।
सांसद बुढाले आफूले आजै प्रधानमन्त्री केपी शर्मा ओलीसंँग भेटी क्षतिको अनुमानित विवरण पेश गरेको र प्रभावित परिवारका लागि तत्काल राहत उपलब्ध गराउन आग्रह गरेको जानकारी दिए।
उनका अनुसार दुल्लु नगरपालिकाका वडा नं २, ३ र ९ तथा चामुण्डा विन्द्रासैनी नगरपालिकाका १ देखि ९ सम्मका सबै वडामा बालीनाली, बोटबिरुवा र घरका छानामा पूरै क्षति पुगेको छ । यसैगरी असिना र हुरी बतासले ठाँटीकाँध गाउँपालिकाका वडा नं १, २ र ६ मा पूर्ण क्षति भएको छ भने ३, ४ र ५मा आंशिक भौतिक तथा बालीनाली नष्ट भएको बताइएको छ । आठबीस नगरपालिका वडा नं ९ मा पनि हुरी र असिनाले पूर्ण क्षति पु¥याएको छ ।
सांसद बुढाले प्रभावित क्षेत्रका दाजुभाइ दिदीबहिनीलाई यस्तो व्यापक क्षति भएकामा आफू अत्यन्त दुःखी भएको बताउँदै धैर्यधारण गर्न आग्रह गरेका छन् । “यस्तो क्षति र विपत्तिको समयमा सबैको साथ आवश्यक हुन्छ र जनताको दुःखको बेला सरकारको भूमिका झनै महत्वपूर्ण हुन जान्छ”, सांसद बुढाले भने । स्थानीय जानकारलाई उद्धृत गर्दै सांसद बुढाले असिना करीब २ फिटसम्म बाक्लो परेको तथा त्यसको आकार अहिलेसम्म देखिएको असिनाको भन्दा चौबर ठूलो रहेको बताए ।
प्रतिनिधिसभाका सांसद पार्वती विशुंखेले पनि जिल्लामा भएको क्षतिप्रति दुःख व्यक्त गर्दै तत्काल राहतको व्यवस्था गर्न सङ्घीय, प्रदेश र स्थानीय सरकारलाई आग्रह गरेकी छिन् । सांसद बुढाका अनुसार जिल्लाको १ नम्बर निर्वाचन क्षेत्रमा पर्ने गुराँस गाउँपालिकाका १, २ र ३मा पूर्ण र वडा नं ४ मा पनि आंशिक क्षति पुगेको छ ।
इन्द्र रिजाल
इन्द्र रिजाल नेपालबहस डटकमका प्रधान सम्पादक हुन् । अर्थ राजनीतिक धारमा कलम चलाउने वरिष्ठ पत्रकार रिजालले आर्थिक, राजनीतिक तथा सामाजिक परिवेशका विषयवस्तुको यर्थाथमुखी चित्रण गर्छन् ।
लेखकबाट थपभारतीय मूलका विनोद चौधरीका कर्तुत खोजिँदै, कसरी छिरे नेपाल ?
जेठ ११, २०८१ शुक्रबार
यस्तो छ सहकारीको शिर, दलीय वर्चश्वमा एमाले !
जेठ १०, २०८१ बिहिबार
रविको निशानामा देउवाको परिवारः आरजु र छोरा जयवीर माथि अनुसन्धानको तयारी
जेठ ९, २०८१ बुधबार
भारतीय मूलका विनोद चौधरीका कर्तुत खोजिँदै, कसरी छिरे नेपाल ?
नेपालबहस संवाददाता
जेठ ११, २०८१ शुक्रबार
के तपाईको हातमा पैसा जोगिदैन ? यी तरिकाहरु अपनाउनुस् !
नेपालबहस संवाददाता
जेठ १२, २०८१ शनिबार
भारतीय कारखानामा विस्फोट : मृत्यु हुनेको संख्या ११ पुग्यो
नेपालबहस संवाददाता
जेठ ११, २०८१ शुक्रबार
फेरिए नारायणी अस्पतालको मेसु, डा.एनामुलले पाए जिम्मेवारी
आबिद हुसेन
जेठ १३, २०८१ आइतबार
फेरिए नारायणी अस्पतालको मेसु, डा.एनामुलले पाए जिम्मेवारी
जेठ १३, २०८१ आइतबार
तपाईको आजको राशीफल कस्तो छ ?
जेठ १३, २०८१ आइतबार
अस्पतालमा आगलागी हुँदा सात नवजात शिशुको मृत्यु
जेठ १३, २०८१ आइतबार
सुक्खा पहिरोले आरुघाट–लार्के सडक अवरुद्ध
जेठ १३, २०८१ आइतबार
अत्यधिक गर्मी बढेपछि तीन दिन विद्यालय बन्द
जेठ १३, २०८१ आइतबार
निजामतीमा महिलाको प्रतिनिधित्व १३ दशमलव ६ प्रतिशत
जेठ १३, २०८१ आइतबार
स्वास्थ्य मन्त्रालयको बेरुजु ३ अर्ब
जेठ १३, २०८१ आइतबार
पत्नी बलात्कार मुद्दामा निलम्बित न्यायाधीश गिरी दोषी ठहर
जेठ १३, २०८१ आइतबार
ब्रोडब्यान्ड इन्टरनेट सेवाको पहुँच सबै स्थानीय तहको केन्द्रसम्म
जेठ १३, २०८१ आइतबार