एमाले सचिवालयको बैठक वैशाख २६ मा बस्ने

२२ वैशाख, काठमाडौं । नेकपा (एमाले)ले केन्द्रीय समितिको बैठक अगाडि केन्द्रीय सचिवालय बैठक बोलाएको छ । झापामा वैशाख २९ देखि ३१ सम्म हुने केन्द्रीय समिति बैठकअघि सचिवालय बैठक बोलाइएको हो । 

सचिवालय बैठक वैशाख २६ गते पार्टी केन्द्रीय कार्यालयमा च्यासलमा बोलाएको एमाले प्रचार विभाग उपप्रमुख विष्णु रिजालले बताए । 
सचिवालय बैठकले केन्द्रीय कमिटी (सीसी) बैठकका एजेन्डाहरू तय गर्नेछ । 

एमालेले यसअघि पार्टी सुदृढीकरण अभियानअन्तर्गत दुई महिने  ‘मिसन ग्रासरुट’ अभियान सम्पन्न गरिसकेको छ । अभियानको समीक्षा तथा पार्टीको आगामी कार्यक्रमबारे सीसी बैठकमा छलफल हुने जनाइएको छ ।