जनकपुर अस्पतालको विद्युत लाइन काटियो, गर्मीको मारमा बिरामी

२४ वैशाख, जनकपुरधाम । जनकपुरधामस्थित प्रादेशिक अस्पतालको विद्युत लाइन काटिएको छ । नेपाल विद्युत प्राधिकरणको जनकपुर वितरण केन्द्रले आइतबार दिउँसोअस्पतालको विद्युत लाइन काटिदिएको हो ।

यो अस्पतालले प्राधिकरणलाई बिजुली महसुल १ करोड २० लाख रुपैयाँ तिर्न बाँकी रहेको जनाउँदै लाइन काटिदिएको हो । महसुल बुझाउन पटकपटक मौखिक र लिखित ताकेता गर्दा पनि अटेर गरेपछि लाइन काटेको प्राधिकरणका वितरण केन्द्रले जनाएको छ । महसुल नबुझाएसम्म लाइन जोडिने केन्द्रले जनाएको छ ।

प्रदेशकै ठूलो अस्पतालले १५ महिनादेखि विद्युत महसुल नबुझाएको केन्द्रको दाबी छ । लाइन काटिएपछि अस्प्तालमा रहेका बिरामीले पंखा चलाउन नपाउँदा समस्या परेको बताएका छन् । अस्पतालका उपकरण नचल्दा सेवा समेत प्रभावित पुन पुगेको अस्पताल प्रशासनले जनाएको छ ।