२० मिनेट आकाशमा उडेर भैरहवा फर्कियो श्री एयरलाइन्सको जहाज

२५ वैशाख, काठमाडौं । काठमाडौंका लागि उडेको श्री एयरलाइन्सको जहाजमा समस्य देखिएपछि पुनः भैरहवा फर्काएर अवतरण गरिएको छ । जहाजका सबै यात्र सकुशल रहेका छन । भैरहवाबाट बाट काठमाडौंका लागि उडेको श्री एयरलाइन्सको जहाज बिच बाटोबाटै फर्काएर भैरहवा विमानस्थलमा अवतरण गरिएको हो । 

उडान नम्बर एसएचए ८२२ नम्बरको जहाज काठमाडौं आउँदै  गर्दा भैरहवा नै फर्किएको हो । भैरहवाबाट ७ः५५ मा उड्नुपर्ने जहाज ९ बजेपछिमात्रै काठमाडौंतर्फ उडेको थियो । करिब २० मिनेट आकाशमा उडेपछि जहाज भैरहवा विमानस्थलमै फर्किएर ल्याण्ड गरेको विमनस्थलले जनाएको छ । 

चालक दलका सदस्यहरूले इन्डिकेटरले विमानमा खराबी देखाएकोले बीचबाटै फर्किएको बताएका छन् । तर, कस्तो समस्या हो भन्ने पत्ता लागिसकेको छैन । जहाज रनवेमै रहँदा अरु जहाजको उडान अवतरण प्रभावित भएको थियो । काठमाडौंबाट भैरहवा गएको एती एयरलाइन्सको एउटा जहाजसमे  केहिबेर आकाशमा रोकिएको बताइएको छ ।