दुई दिन पहिल्यै देखिएको थियो श्री एअरलाइन्सको जहाजमा समस्या

२५ वैशाख, काठमाडौं । श्री एअरलाइन्सको कलसाइन नाईन एन एएनई जहाजमा शनिबार नै समस्या देखिएको पाइएको छ । सोही जहाजमा आज भैरहावाबाट काठमाडौं आउने क्रममा गियरमा समस्या देखिएको हो । ल्यान्डिङ गियरमा समस्या आएपछि बिच बाटोबाटै भैरहावामा फिर्ता गरिएको तर पछि काठमाडौंमा नै फिर्ता भएको थियो । 

जहाज काठमाडौंमा सकुशलअवतरण भएपनि पाङ्ग्रा लक हुँदा आधा घण्टासम्म धावनमार्गमै रोकिएको थियो । जहाजका कारण अरू जहाजहरुको पौने घण्टासम्म उडान र अवतरण तालिका प्रभावित हुन पुगेको थियो । 

दुई दिनमा दुई पटक समस्या देखिएपछि नेपाल उड्डययन प्राधिकरणले उक्त जहाजलाई उडानमा रोक लगाएको छ । जहाजको विस्तृत परीक्षणपछि मात्रै उडानको अनुमति दिने प्राधिकरणले जनाएको छ । 

प्राधिकरणले जहाजको मर्मतमा संलग्न इन्जिनियरलाई पनि सोधपुछका लागि बोलाएको छ । श्री एअरलाइन्सको जहाजका कारण अरू जहाजका उडान र अवतरण पनि प्रभावित भएका थिए ।

यसअघि गएको माघ १ गते काठमाडौंबाट पोखरा उडान भएको इति एयरको जहाज पोखराको सेती खोंजमा खस्दा जहाजमा सवार चालक दलका४ जनासहित ७२ जना सबैको निधन भएको थियो ।