भ्रष्टाचारले थलिएको उदयपुर सिमेन्ट उद्योगमा बिजुली बन्द, प्राधिकरणलाई ३६ करोड बुझाउन बाँकी
नेपालबहस संवाददाता
जेठ १, २०८० सोमबार ११:१५:३२
१ जेठ, उदयपुर । सरकारले उद्योग चलाउने जिम्मेवारी दिएर पठाएको महाप्रबन्धकबाटै भएको आर्थिक अनियमितताले थला परेको उदयपुर सिमेन्ट उद्योगको बत्तीसमेत काटिएको छ । प्रायः उद्योगमा हाजिर नहुने महाप्रबन्धक गोपीकृष्ण न्यौपानेले लामो समयदेखि बिजुलीको रकम नतिरेकाले विद्युत प्राधिकरणले उद्योगको लाइन काटिदिएको हो । बत्ति नभएपछि उद्योगका कुनै पनि काम सञ्चालन हुँदैनन् ।
उदयपुर सिमेन्टले बिद्युत् प्राधिकरणलाई ३६ करोड बक्यौता बुझाउन बाँकी छ । धेरै अगाडि देखिको बक्यौता बुझाउन पटक पटक पत्र पठाउँदा समेत उद्योगका महाप्रबन्धक न्यौपानेले वेवास्ता गर्दै आएका थिए । बिद्युत् काटिए पछि उदयपुर सिमेन्ट उद्योगको सञ्चालन नहुने अवस्थामा पुगेको छ । नियमित उत्पादन बढाएर उद्योगलाई सक्षम बनाउनुपर्नेमा महाप्रबन्धक न्यौपानेले उद्योगलाई भ्रष्टाचारको स्रोत बनाएको कर्मचारीको भनाइ छ । अहिले बिजुलीको पैसा समेत तिर्न नसक्ने अवस्थामा उद्योगलाई पुर्याइएको छ ।
उद्योग यति बेला २ अर्ब ९ करोड घाटामा छ । घाटाले आर्थिक भार परिरहेको बेला बत्तीसमेत काटिए पछि उद्योग थप संकटमा परेको छ । उदयपुर वितरण केन्द्र प्रमुख विजयकुमार खत्रीका अनुसार एक साता अघि पत्र पठाएर भुक्तानी दिनका लागि अनुरोध गरे पनि उद्योगले भुक्तानी नदिए पछि आइतवारबाट बिजुली काटिएको हो । अहिलेसम्म गरेर सिमेन्ट उद्योगले प्राधिकरणलाई बुझाउनु पर्ने करिब ३६ करोड बक्यौता छ । सो बक्यौता रकम भुक्तानी गर्नका लागि एक साताअघि चेतावनी दिँदै उद्योगलाई पत्र पठाइएको थियो ।
महाप्रबन्धक न्यौपानेले उद्योगमा गरेको भ्रष्टाचारको विरोध गर्दै कर्मचारी संगठनहरुले एक साता अघि उद्योगको साधारणसभा समेत रोक्न खोजेका थिए । चार वटै कर्मचारी संघ–संगठनको चर्को विरोधपछि लामो समयदेखि बन्द रहेको उदयपुर सिमेन्ट उद्योगको ३५ औं साधारणसभा प्रहरीको सुरक्षा घेरा भित्र सम्पन्न गरिएको थियो । लामो समयदेखि बन्द रहेको उदयपुर सिमेन्ट उद्योगको ३५ औ साधारणसभा पनि प्रहरी राखेर गरेको थियो ।
उद्योगका चार वटै कर्मचारी संगठन विरोधमा उत्रिँदै बहिष्कार गरेपछि सो साधारणसभा सञ्चालक समितिले खुला रुपमा गर्न नसकी प्रहरीको सुरक्षा घेरा भित्र बन्द हलमा गरिएको थियो । उद्योग स्थलमा हाजिर नभएका महाप्रबन्धक गोपीकृष्ण न्यौपानेले घाटामा रहेको उद्योगका तथ्याङ्कलाई गोलमटोल पारी नाफामा रहेको प्रतिवेदन प्रस्तुत गरेको आरोप कर्मचारीहरूले लगाएका थिए । पछिल्लो समय भ्रष्टाचारका लागि उदाहरण बनेको छ उदयपुर सिमेन्ट उद्योग । अनेकौं भ्रष्टाचार जन्य कामले चलिरहेको उद्योग नै बन्द हुने अवस्था आए पनि सरकारले न्यौपानेलाई जिम्मेवारीबाट हटाउन सकेको छैन ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसेवा अवरुद्ध नगर्न इन्टरनेट सेवा प्रदायक कम्पनीहरुलाई दूरसञ्चार प्राधिकरणको चेतावनी
बैशाख २१, २०८१ शुक्रबार
श्रमिक दिवसका दिन श्रम मन्त्रालयले घोषणा गर्यो श्रमदान अभियान
बैशाख १९, २०८१ बुधबार
इन्डोनेसियाको पिटी पिएलएन नुसन्तराले नेपालमा ऊर्जा परियोजना विकासमा साझेदारी गर्ने
बैशाख १८, २०८१ मंगलबार
आईजीकै सचिवालयमा एसएसपी कार्कीको चुरीफुरी !
नेपालबहस संवाददाता
बैशाख १९, २०८१ बुधबार
बस खोलामा खस्दा २० को मृत्यु, २१ जना घाइते
नेपालबहस संवाददाता
बैशाख २१, २०८१ शुक्रबार
टी–२० विश्वकप खेल्ने राष्ट्रिय क्रिकेट टीमको बिदाइ
बैशाख २१, २०८१ शुक्रबार
प्रेम प्रस्ताव अस्वीकार गर्दा छात्रामाथि गोली प्रहार, अभियुक्त पूर्वशिक्षक रहेको खुलासा
बैशाख २१, २०८१ शुक्रबार
नौबीसे नागढुङ्गा सडक खण्डमा धमाधम पिच सुरु
बैशाख २१, २०८१ शुक्रबार
राज्यलाई कर तिरेका जनताले यसको खर्चबारे जानकारी पाउनुपर्छः राष्ट्रपति
बैशाख २२, २०८१ शनिबार
वेस्ट इन्डिज ‘ए’ विरुद्धको खेलमा नेपालले पहिला बलिङ गर्ने
बैशाख २२, २०८१ शनिबार
चिम्टीका अग्निपीडितलाई राहत
बैशाख २२, २०८१ शनिबार
गण्डकीका मुख्यमन्त्रीले आइतबार विश्वासको मत लिने
बैशाख २२, २०८१ शनिबार
आइपिएलमा आज रोयल च्यालेन्जर्स र गुजरात भिड्दै
बैशाख २२, २०८१ शनिबार
काठमाडौं महानगरले निःशुल्क लोकसेवा तयारी कक्षा सञ्चालन गर्दै, आवेदन आह्वान
बैशाख २२, २०८१ शनिबार