किसानलाई समयमै मल उप्लब्ध गराउन निर्देशन दिइसकेको छु : प्रधानमन्त्री

४ जेठ, काठमाडौं । प्रधानमन्त्री पुष्पकमल दाहाल ‘प्रचण्ड’ले किसानलाई समयमै मल उपलब्ध गराउन सम्बन्धित निकायलाई निर्देशन दिइसकेको बताएका छन् । बिहीबार प्रतिनिधिसभाको सांसदहरुसँगको प्रश्नोत्तरमा सहभागी हुँदै रोष्ट्रमबाट जवाफ दिँदै प्रम प्रचण्डले सो कुरा स्पष्ट पारेका हुन् । 

बैठकमा सांसद अनितादेवीको प्रश्नको जवाफ दिँदै प्रधानमन्त्री प्रचण्डले कृषि मन्त्रालयलाई यो वर्ष किसानलाई रासायनिक मल वितरण गर्न निर्देशन दिइसकेको बताए । त्यसनिम्ति भारतसँग मल खरिदका काम भइसकेको बताए । 

साथै प्रधानमन्त्रीले नेपालभित्रै मल कारखाना बनाउन अध्ययन भइरहेको र अध्ययन पूरा भएपछि कारखाना बनाउन सरकार लाग्ने बताए ।