संसदमा प्रधानमन्त्रीले भने- ‘नक्कली भुटानी शरणार्थी प्रकरणका दोषीलाई कारवाही गर्न दृढ छु’

४ जेठ, काठमाडौं । प्रधानमन्त्री पुष्पकमल दाहाल ‘प्रचण्ड’ले नक्कली भुटानी शरणार्थी प्रकरणका दोषीलाई कारवाही गर्न आफू दृढ रहेको बताएका छन् । 

बैठकमा सांसद चित्रबहादुर केसीको प्रश्नको जवाफ दिँदै प्रधानमन्त्री प्रचण्डले नेपाली नागरिकलाई शरणार्थी बनाएर विदेश पठाउनेका काममा संलग्न रहेका व्यक्तिहरुमाथि प्रहरीले निष्पक्ष रुपमा अनुसन्धान गरिरहेको र प्रकरणमा मुछिएका कोहीपनि दोषी कारवाहीमा पर्नबाट नछुट्ने बताए । 

छानबिनमा प्रभाव र दबाब पर्न नदिन गृहमन्त्रीलाई निर्देशन दिइरहेको बताउँदै घटना अन्तर्राष्ट्रियकरण भइसकेकोले दोषी छुट्ने शंका नराख्न आग्ह गरे । ‘प्रश्न गर्ने माननीयले भनेजस्तो भीभीआईपी, भीआई जाेकाेही तानिएपनि कारवाही गर्न सरकार दृढ छ’ उनले भने ।  घटनालाई सम्पूर्ण नेपाली जनताले हेरिरहेको उनको भनाइ थियो ।

‘यो घटनालाई सामान्य तरिकाले सोच्ने र कारवाही हुन्छ भन्ने सोचे मात्रै पनि गम्भीर भूल हुन्छ भन्ने विषयमा सम्पूर्ण जनता स्पष्ट हुनु आवश्यक छ’ उनले भने ।