जनपुरमा बुद्ध एयरको जहाजभित्र मुसा फेला

७ जेठ, काठमाडौं । बुद्ध एयरको जहाजमा मुसा फेला परेको छ । जहाजको नाइनएन–एजेएलमा मुसो फेला परेको हो । शनिबार जहाजमा मुसो रहेको यात्रुले देखेपछि जहाज जनकपुरमै रोकिएको थियो ।

चेकजाँचका क्रममा मुसो फेला नपरेका कारण उडान नगरी शनिबार जहाजमा जनकपुरमै रोकिएको थियो । खोजीगर्ने क्रममा मुसा आइतबार बिहान ट्रयापमा मुसा भेट्टिएको जनाइएको छ । 

उक्त जहाज साढे ८ बजे जनकपुरमा पुगेको थियो । तर जहाज काठमाडौंको लागि ४९ जना यात्रु बोर्डिङ भइसकेकाे अवस्थामा यात्रुले जहाज देखेका थिए।

त्यसपछि आजै प्रशिक्षक चालक र टेक्निकल टिमले सो जहाजलाई काठमाडौं ल्याएको छ । थप चेकजाँच गरी आज दिउँसोदेखि पुनः उडान थालिने बुद्ध एयरले जनाएको छ ।  साथै बुद्ध एयरले यात्रुलाई आफ्नो ब्यागेज तथा लगेजलाई राम्ररी प्याक तथा बन्द गरी ल्याउन समेत अनुरोध गरेको छ ।