सिर्सिया नदीको दुषित पानी बोकेर काठमाडौं आउँदै पीडित

८ जेठ, काठमाडौं । पर्साकोा वीरगञ्जस्थित सिर्सिया नदीको दुषित पानी बोकेर पीडितहरु काठमाडौं आउने क्रम जारी छ । त्यस वरपर संचालित विभिन्न कारखानाबाट निस्कने दुषित पानी सिर्सिया नदीमा मिसाउने क्रम नरोकिएपछि पीडितहरु सरकारको ध्यानाकर्षण गराउन फोहोर पानी बोकेर हिँडेर काठमाडौंसम्म आउने क्रममा रहेको सांसद प्रदीप यादवले बताए । 

साबुन, चिनी तथा चक्लेट उद्योगहरुले कारखानाबाट निस्कने दुषित पानी सिधै नदीमा बगाउँदा नदी दुषित हुन गई नदी आसपासका बासिन्दा दुर्गन्धबाट चरम पीडित भएका छन् ।

वर्षाैंदेखि समस्या समाधानका लागि आवाज उठाउँदै आएपनि बेवास्ता गरेपछि आक्रोशित पीडितहरु केन्द्र सरकारको ध्यानाकर्षण गराउन पीडितहरु काठमाडौै आउने क्रममा रहेको सांसद यादवले सोमबार प्रतिनिधिसभाको बैठकमा बताए ।