मन्त्रालय खोसिएपछि मधेशमा जनमत पार्टी क्रुद्ध

९ जेठ, काठमाडौं । मधेश प्रदेश सरकारमा एक मन्त्रालय पाएको जनमत पार्टी मन्त्रालय खोसिएपछि क्रुद्ध बनेको छ । पार्टीले पाएको भूमि व्यवस्था, कृषि तथा सहकारी मन्त्रालयबाट वसन्त कुशवाहालाई बिना विभागीय बनाउने भएपछि क्रुद्ध बनेको हो । 

उक्त मन्त्रालय एकीकृत समाजवादीलाई दिने निर्णय मुख्यमन्त्री सरोजकुमार यादले गरेका छन् । यादव जसपामा मुख्यमन्त्री छन् । सहमति विपरीत मन्त्रालयविहीन बनाउने काम भएका भन्दै जनमत पार्टीका मधेश प्रदेश संसदीय दलका नेता महेशप्रसाद यादवले आजै पार्टीमा छलफल गरेर निर्णय लिने बताए । 

कांग्रेसबाट २ र एकीकृत समाजवादीबाट १ जना मन्त्री नियुक्त हुँदैछन् । उनीहरुलाई आजै प्रदेश प्रमुखबाट शपथ खुवाउने कार्यक्रम तय भइसकेको छ । लोसपाले भने मन्त्रालयको भागबण्डामा असन्तुष्ट जनाउँदै नाम दिएको छैन ।