मधेशमा सत्ता गठबन्धनबीच खटपट, सरकारबाट बाहिरियो माओवादी
नेपालबहस संवाददाता
जेठ ९, २०८० मंगलबार १५:२:०
९ जेठ, जनकपुर । मधेश प्रदेश सत्ता गठबन्धन दलहरूमा खटपट सुरु भएको छ । जनता समाजवादी पार्टी नेतृत्वको सरकारले अन्य दलहरूको राय सुझावविपरित चलको भन्दै नेकपा माओवादी सरकारबाट बाहिरिएको छ । मुख्यमन्त्री सरोजकुमार यादवले एकलौटी र आफूखुशी काम गर्न थालेको भन्दै माओवादीले सरकार छाड्ने निर्णय गरेको हो ।
मुख्यमन्त्री यादवले गठबन्धनमा भएको सहमतिअनुसार नचलेको भन्दै माओवादीले मधेश प्रदेश सरकारबाट आफ्ना एक मन्त्री र एक राज्यमन्त्रीलाई मंगलबार फिर्ता बोलाएको हो । प्रदेशमा विवाद आएपछि यसलाई मिलाउन यसअघि गठबन्धनका शीर्ष नेताहरूबीच पनि छलफल भएको थियो ।
गत साता मात्र काठमाडौंमा गठबन्धन दलका शीर्ष नेता र मधेशका सत्तासीन दलका संसदीय दलका नेताहरूबीच छलफलमा मधेस प्रदेशमा आलोपालो मुख्यमन्त्री, सत्तासाझेदार र सत्ता दलको भावनाअनुसार मन्त्री नियुक्त गर्नुपर्ने सहमति भएको थियो । माओवादीका अनुसार मुख्यमन्त्री यादवले गठबन्धनमा भएको सहमतिलाई नटेकेर आफूखुसी मन्त्रिमण्डल पुनर्गठन गरेपछि पार्टी सरकारबाट बाहिरिएको हो । मुख्यमन्त्री यादवले मंगलबार मात्र कांग्रेसबाट २ जना मन्त्री नियुक्त गरेका छन् ।
मुख्यमन्त्री यादवले मंगलबार कांग्रेस र नेकपा एसका मन्त्रीलाई शपथ गराउने तयारी गरेपछि सत्ता गठबन्धनमा रहेका माओवादी, जनमत र लोसपा बिच्किएका छन् । यी तीन वटै दलको अहिले संयुक्त बैठक चलिरहेको छ । सरकारबाट बाहिरिने र मुख्यमन्त्री यादवलाई दिएको समर्थन फिर्ता लिने विषयमा बैठकमा छलफल भइरहेको छ । माओवादी सरकारबाट बाहिरिएपछि मुख्यमन्त्री यादव सकसमा परेका छन् ।
यसैबीच मधेश प्रदेशमा सत्तारुढ तीन दलको असन्तुष्टिबीच नेपाली कांग्रेसका दुई तथा नेकपा एकीकृत समाजवादीका एक मन्त्रीले शपथ लिएका छन् । कांग्रेस संसदीय दलका नेता कृष्णप्रसाद यादवले भौतिक पूर्वाधार तथा विकासमन्त्री र वीरेन्द्रप्रसाद सिंहले स्वास्थ्य तथा जनसंख्यामन्त्रीको रुपमा प्रदेश प्रमुख हरिशंकर मिश्रसमक्ष पद तथा गोपनियताको शपथग्रहण गरेका हुन् । यस्तै एकीकृत समाजवादीका गोविन्दबहादुर न्यौपानेले भूमि व्यवस्था, कृषि तथा सहकारी मन्त्रीको रुपमा शपथ लिएका छन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपप्रतिनिधिसभामा आज पनि कांग्रेसको अवरोध, बैठक स्थगित
जेठ ११, २०८१ शुक्रबार
कार्यादेश टुंगो लगाउन गठित कार्यदलको बैठक बिना निष्कर्ष सकियो
जेठ ११, २०८१ शुक्रबार
संसद् भवनमा विपक्षी दलहरु छलफलमा जुटे
जेठ ११, २०८१ शुक्रबार
अवैध नदीजन्य पदार्थ ओसारपसार गरिरहेका टिपर स्थानीयको नियन्त्रणमा
जेठ १०, २०८१ बिहिबार
यस्तो छ सहकारीको शिर, दलीय वर्चश्वमा एमाले !
जेठ १०, २०८१ बिहिबार
सीता एयरको जहाजमा ठोक्किएर घाइते भएका भामलाई नेपालगञ्ज लगियो
जेठ १०, २०८१ बिहिबार
बुद्ध पूर्णिमाः लुम्बिनीमा दर्शनाथीको घुइँचो, व्यवस्थापन गर्न कोषलाई हम्मेहम्मे
जेठ ११, २०८१ शुक्रबार
महानगरका सबै विभागका प्रतिनिधिलाई ‘सार्वजनिक निजी साझेदारी कार्यक्रम’ सम्बन्धी तालिम
जेठ ११, २०८१ शुक्रबार
भारतीय कारखानामा विस्फोट : मृत्यु हुनेको संख्या ११ पुग्यो
जेठ ११, २०८१ शुक्रबार
नेपालमा काेरोनाको नयाँ भेरियन्ट ‘केपी १’ र ‘केपी २’ पुष्टि
जेठ ११, २०८१ शुक्रबार
पपुवा न्युगिनीमा पहिरो, १०० भन्दा बढीको मृत्यु भएको आशंका
जेठ ११, २०८१ शुक्रबार
कञ्चनपुरमा तीन प्रतिशत गहुँ उत्पादनमा वृद्धि
जेठ ११, २०८१ शुक्रबार